Åse Mette Johansen
Stillingsbeskrivelse
Eg er sosiolingvist og forskar på sambandet mellom språk, menneske og samfunn med utgangspunkt i Nord-Noreg og Sápmi. Eg underviser og rettleier om ulike språklege tema på alle nivå i utdanningane våre.
Verv
- Leiar av Språkrådets fagråd for skole og offentleg forvaltning
- Medlem av den vitskaplege redaksjonen av Norsklæraren
- Medlem av redaksjonsrådet for Norsk Lingvistisk Tidsskrift
Error rendering component
Forskningsinteresser
- Fleirspråklegheit
- Prosessane med å skifte språk og å ta språk tilbake
- Språkideologiar og identitet
- Talemålsvariasjon og -endring
- Ungdom og språk
- Språk og medborgarskap
- Språkleg mangfald i skole og utdanning
Forskingsinteressene mine heng tett saman med at eg kjem frå den trespråklege bygda Olmmáivággi/Manndalen/Olmavankka i Nord-Troms. Eg er særleg opptatt av samlivet mellom nordsamisk, kvensk og norsk språk, og kva dette samlivet betyr for menneske til ulike tider og på ulike stader.
Forskingsaktiviteten min følger fleire tematiske spor. Eg arbeider med forskjellige tilnærmingar til det språkideologiske skjæringspunktet mellom fornorsking og språkskifte på den eine sida og prosessane med å styrke og ta tilbake minoriserte språk på den andre. I tillegg studerer eg den sosiale betydninga til variasjon og endring i nordnorske talemål i språkkontaktmiljø. Skole- og utdanningskontekstar har etter kvart òg blitt viktige i arbeidet mitt. Hovuddelen av forskinga mi går per i dag føre seg i det NFR-finansierte prosjektet Multilingualism in Transitions / Fleirspråklegheit i overgangar i utdanningssystemet (2021–2025), leia av Hilde Sollid.
Undervisning
Eg underviser på grunn- og fordjupingsnivå i nordisk språkvitskap, eksempelvis emne om språkleg mangfald i tale og skrift, norsk som andrespråk, fleirspråklegheit og språkvitskapleg teori og metode. Eg rettleier for tida fleire masterprosjekt og i tillegg to ph.d.-prosjekt ved UiT Noregs arktiske universitet og Umeå universitet. Eg har òg undervisningserfaring som norsklærar i vidaregåande skole og som universitetslektor i norskdidaktikk.
Hausten 2025
- Fordjupingsemnet NOR-2045/2055 NOR-3045 Norsk som andrespråk (med Hilde Sollid)
- EVU-emnet NOR-6004 Norsk som andrespråk (med Hilde Sollid)
Våren og hausten 2026: Forskingstermin
