Perspektiv på covid-19 i samiske samfunn i Noreg

Det er Arktisk råd si arbeidsgruppe for berekraftig utvikling (Sustainable Development Working Group, SDWG) som har starta prosjektet, og den norsk-samiske studien er del av det sirkumpolare prosjektet Arctic community perspectives on COVID-19 and public health: A Multi-Site Case Study. 

Koronapandemien er ei utfordring for offentlege tenester på alle plan, og har ført til spørsmål rundt etnisk og geografisk diskriminering, helsejamstelling og balansen mellom folkehelsetiltak og individuelle rettar. Det har vore ulike reglar og tiltak i dei forskjellige nasjonalstatane til arktiske folk, og forsking trengst for fullt ut å forstå konsekvensane av covid-19 i Arktis.

Dette prosjektet vil identifisere lokal kunnskap gjennom samisk brukardeltaking, og utforske koronaerfaringar og meistringsstrategiar i den samiske befolkninga og samiske samfunn.