Feira nasjonal milepæl

Phi-labben skal verte eit innovasjonssenter for jordobservasjon og skal få fram ny rombasert teknologi og tenester, som spesielt skal dekke arktiske behov.

– Dette er ein milepæl, ikkje berre for Tromsø, men heile Noreg, seier Myrseth.

Fire personer står foran ei person som klapper. — Det var til tider særs god stemning mellom næringsministaren, rektoren og dei tre studentane. Foto: Kjetil Rydland / UiT

Myrseth seier laben vil skape nye arbeidsplassar og drive innovasjon, og at regjeringa har som målsetting å få på plass neste steg innan romindustri i Nord-Noreg: Eit nasjonal senter for jordobservasjon i Tromsø.

– Regjeringa har som målsetting å få på plass eit nasjonal senter for jordobservasjon i Tromsø, ikkje berre fordi det er gunstig å drive jordobservasjon her oppe i nord, men fordi tyngdepunktet på kompetanse og satsing ligg i Nord-Noreg, sa næringsministaren.

– Eg har med meg framtida

UiT-rektor Dag Rune Olsen er strålande nøgd med etableringa. Han deltok saman med tre studentar som på ulikt vis er representantar for framtida for den norske satsinga på romindustri – kompetente arbeidstakarar. Eit av Phi-labben sine formål er å skape arbeidsplassar innan romteknologi og -næring.

– Dette tyder mykje for Nord-Noreg og norsk romindustri, og vil gje fleire arbeidsplassar og moglegheiter, særleg for dei studentane som vi utdannar. UiT er jo dei einaste i landet som utdannar sivilingeniørar i romfysikk, seier Olsen.

Arctic Phi Lab er Europas andre av sitt slag, og er ein del av det kommande Phi-nettverket til den europeiske romfartsorganisasjonen ESA. Den første prosjektutlysinga er allereie lagt ut.

Les meir: UiT blir medeier i Jordobservasjon Tromsø AS

Kortnytt fra Seksjon for kommunikasjon

Rydland, Kjetil kjetil.rydland@uit.no Kommunikasjonsrådgjevar