Opna internasjonal testarena i Narvik

Under mottoet «funkar det her, funkar det overalt» skal jernbaneteknologi testast under arktiske forhold på Ofotbanen.

Tysdag 4. november blei Arctic Test Arena offisielt opna. Rundt 200 gjester frå ti europeiske land var til stades i Narvik. Over to dagar fekk dei mellom anna oppleve jernbanen på nært hald på togtur tur/retur Abisko, og omvising på lab på UiT i Narvik.

Besøkte UiT i Narvik

Onsdag besøkte dei UiT, med eit interessant seminarprogram. Her blei mellom anna avsporinga i 2023 gjennomgått.

Desember 2023 spora eit fullasta malmtog av ved Vassijaure. Kva skjedde, korleis handterte dei det og korleis kan ein forhindre at det skjer igjen?

En mann forklarer en gruppe mennesker ting på et laboratorium — Deltakarane fekk ei omvising på mellom anna betonglaben. Foto: Vilde Øines Nybakken / UiT

Fleire kilometer med jernbanespor blei øydelagt, og utfordrande vêrforhold gjorde sitt for at det tok 65 dagar å reparerere skadane. Det påvirka det svenske gruveselskapet LKAB, som fraktar jernmalm til utskiping i Narvik, og selskap som brukar jernbanen.

Seminaret runda av med omvising på aktuelle laboratorium ved UiT, som betong-, industriteknologi-, XR- og dronelab.

Funkar det her, funkar det overalt

Arctic Test Arena er eit prosjekt som utforskar korleis teknologi og samarbeid kan styrke jernbanen i framtida. Ikkje berre her, men i heile verda.

en gruppe mennesker står og ser på en drone — Eit besøk på dronelaben blei det også. Foto: Vilde Øines Nybakken / UiT

Jernbanestrekninga mellom Narvik og Luleå i Sverige har i mange år vore brukt av Bane Nor og Trafikverket som testarena. På grunn av klimaet, reknast strekninga som ein av dei mest krevjande i verda.

Les også: Ofotbanen blir internasjonal testarena for jernbaneteknologi

No bygger dei vidare på konseptet, i eit samarbeid mellom offentlege og private aktørar frå Noreg og Sverige, med UiT Noregs arktiske universitet, Bane Nor, Sintef Narvik, Järnvägsteknisk centrum, Luleå tekniske universitet, Trafikverket og Jernbanedirektoratet i front.

Testarenaen gir unike moglegheiter til

Testing av infrastruktur og rullende materiell under krevende klimatiske forhold
Utvikling av robuste løysingar for tungtransport og ekstreme vêrforhold
Forsking på vedlikehald, driftssikkerheit og digitalisering
Internasjonalt samarbeid for berekraftig transport og innovasjon
Arena for spennande bachelor- og masteroppgaver

Kortnytt fra Fakultet for ingeniørvitenskap og teknologi

Nybakken, Vilde Øines vilde.o.nybakken@uit.no Kommunikasjonsrådgivar