Emnetype

Opptakskrav

Bachelor i språk og litteratur (eller tilsvarande gradsutdanning) med fordjuping i norsk språk og litteratur på morsmålsnivå (80 studiepoeng). Av dei 80 studiepoenga (stp) i fordjuping må 60 stp vere frå 1000-nivå og 20 stp frå 2000-nivå, og det er eit krav om eit karaktergjennomsnitt tilsvarande C eller betre i emna som inngår i graden. Emne med vurderingsuttrykk 'bestått' blir ikkje tatt med i utrekninga. Som eit unntak kan emne utanfor grada takast med som ein del av fordjupinga. Kontakt instituttet for nærare informasjon om dette.

Søknadskode 9371 - Enkeltemne på masternivå. I merknadsfeltet må du oppgje emnekoden på emnet du ynskjer å søke opptak til.

Innhald

Kva lærer du

I løpet av kurset skal studentane få forståing for relevansen av undervisings- og forskingsfeltet norsk som andrespråk i skule og samfunnsliv.

Etter bestått emne har studentane følgande læringsutbytte:

Kunnskapar:

Studenten har kunnskap om:

• andrespråkstileigning, og korleis denne skil seg frå førstespråkstileigning og fleirspråklegheit
• ulike teoriar om universalgrammatikken og morsmålet si rolle i andrespråkstileigning
• kva eit andrespråk er, og kva som kjenneteiknar mellomspråksvariantar
• sentrale omgrep, teoriar, analysemodellar og metodar i andrespråksforsking

Ferdigheiter:

Studenten kan:

• bruke det teoretiske analyseapparatet på ein sjølvstendig måte
• grunngi analysar av sentrale fenomen i norsk som andrespråk
• diskutere spesielle utfordringar ved det å tileigne seg norsk som andrespråk
• presentere fagstoffet munnleg og skriftleg

Undervisnings- og eksamensspråk

Undervisnings- og eksamensspråk er norsk. Valfri målform bokmål eller nynorsk.

Ved alle eksamenar vert rett og god språføring vektlagt.

Undervisning

Undervising i form forlesingar og diskusjonar.

Kvalitetssikring av emnet: Alle emne skal evaluerast ein gong i løpet av programperioden. Studieprogramleiar avgjer kva slags emne som skal evaluerast av studentar og lærar per år.

Pensum