Elevane ønsker seg meir praktisk undervising

I haust starta skuleturneen for professor Astrid Strandbu og prosjektgruppa ho leiar. Dei har besøkt fleire skuler, frå Båtsfjord i nord til Narvik i sør.

Målet med besøka har vore å lære og forstå meir, og samle inn verdifulle innspel til vidare utvikling av lærarutdanninga.

Norsk lærarutdanning 200 år

I 2026 er det 200 år sidan Trondenes seminarium blei etablert utanfor Harstad. Dette var den første statlege lærarutdanninga i landet, og hadde som mål å betre utdannings- og samfunnsforholda i Nord-Noreg.

Når jubileet markerast ved UiT, nyttast anledning til å også sjå framover. Ei prosjektgruppe, leia av professor Astrid Strandbu ved Institutt for lærarutdanning og pedagogikk, har besøkt fleire skolar frå Båtsfjord i nord til Narvik i sør. Målet? Snakke med lærarar og elevar for å forstå og lære meir, og ta med seg verdifulle innspel i vidare utvikling av lærarutdanninga.

I tillegg til Strandbu, består prosjektgruppa av Tove Leming, Rikke Gürgens Gjærum, Stig Misund og Tomas Rolland.

Båtsfjord var først ut, medan dei to siste besøka blei gjennomført i mars, ved Håkvik skole i Narvik og Kabelvåg skole i Lofoten. Her hadde prosjektgruppa samtaler med lærarar og elevar på 6.–9. trinn.

Les også: Vil lære av Båtsfjord

Dei snakka mellom anna om

den gode læraren i dag, før og i framtida
lærarutdanning og kompetansebehov i framtida.

Samtalane med elevane dannar utgangspunktet for eit kapittel i ei bok som Fagbokforlaget gir ut i 2026, jubileumsåret for den norske lærarutdanninga. Den starta i Nord-Noreg, og er forgjengaren til dagens lærarutdanning ved UiT.

Opptekne av praktiske fag

Håkvik skole, like sør for Narvik sentrum, har 21 tilsette og 134 elevar frå 1.- til 7. trinn. Her har dei gangavstand til naturområde som ofte brukast i undervisinga.