COAT får fast plass på statsbudsjettet

Det var under eit besøk i Aust-Finnmark at forskings- og høgare utdanningsminister Sigrun Aasland kom med den etterlengta nyheita: Klimaøkologisk observasjonssystem for arktisk tundra (COAT) får fast bevilling over statsbudsjettet.

– COAT får fast og permanent bevilling på statsbudsjettet. Dette viktige arbeidet skal ha forutsigbarheit og stabilitet, sa statsråden.

Ho presiserte også at klimaovervaking og sikkerheit heng saman i nord.

I den nye Nordområdestrategien er norsk handlefriheit og innflytelse eitt av fem prioriterte innsatsområde. COAT er nemt som viktig bidrag til dette.

«Forskning og kunnskap gir faglig grunnlag for god politikk, trygg og solid forvaltning og bærekraftig næringsvirksomhet», skriv regjeringa.

Kunnskap er meir enn eit augeblinksbilde

COAT har dei to siste åra fått 20 millionar kroner gjennom regjeringa sine budsjettforhandlingar med SV. Nyheita frå statsråden betyr at desse 20 millionane ligg inne i forslaget til statsbudsjett for 2026.

COAT-leiar Rolf Anker Ims tok imot statsråden og nyheita saman med prorektor Jørgen Berge.

Les også: Budsjettforlik sikrer klimaovervåking

– Eg er glad for at regjeringa er så tydeleg på at dei ønsker langsiktigheit i dette arbeidet, og at Noreg skal vere kjent som eit land med eit solid kunnskapsgrunnlag, seier Berge.

– Sjølv om klima- og naturkrisa er akutt og akselererande, må kunnskapsgrunnlaget vere meir enn eit augeblinksbilde.

Vil utvide COAT

Forskings- og høgare utdanningsminister Aasland meir enn antyda at COAT vil få midlar i seinare statsbudsjett til å ta større ansvar.

I dag dekker overvakingssystemet naturen på land, men UiT jobbar med ein plan om å utvide arbeidet til arktiske havområde.

– Vi vil ikkje berre vidareføre arbeidet i COAT; på sikt vil vi også utvide det til å dekke andre naturtypar, sa statsråden, og nemte havet spesielt.

Les også: Klimaovervåking i verdensklasse: Etablerer nytt forskningssenter

Kortnytt fra Seksjon for kommunikasjon

Nybakken, Vilde Øines vilde.o.nybakken@uit.no Kommunikasjonsrådgivar