– Studentane er viktige for Vinterfestuka

Ti dagar i mars feirar Narvik dei som bygde Ofotbanen for rundt 125 år sidan. Det har narvikingane gjort sidan 1954, då kulturfestivalen Vinterfestuka blei etablert.

Og Narvik-studentane, dei har vore med. Særleg på 1970- og 1980-talet var det stor aktivitet blant studentane på det som den gong heitte Narvik ingeniørhøgskule, tidlegare Narvik tekniske høgskule.

– Studentane laga teknikartog og dei hadde piratradio. Det var enorm aktivitet blant studentane den gongen, som var med på å bygge opp den folkefesten som Vinterfestuka er. Vi ønsker å få meir av det tilbake, seier dagleg leiar Frode Sollie i stiftelsen Vinterfestuka.

– Studentane er viktige for Vinterfestuka.

Les også: UiT og Nordlysfestivalen forlengjer samarbeidet

Signerte ny samarbeidsavtale

Ei veke før Vinterfestuka 2025 brakar laus, signerte Sollie og viserektor Rikke Gürgens Gjærum ein ny samarbeidsavtale mellom Vinterfestuka og UiT.

UiT har samarbeidsavtalar med fleire festivalar i Nord-Noreg. Som viserektor er Gjærum ansvarleg for UiT sitt kunst- og kultursamarbeid.

Gjærum synest historia Sollie trekk fram, om kor viktig studentane var for utviklinga av Vinterfestuka, er interessant.

– Mye av det vi snakkear om no, i hele samfunnet, men også blant studentane, er jo frivillighet. At det er utfordringar med frivilligheit etter pandemien, kommenterer ho.

To personar signerar kvart sitt dokument. I bakgrunnen bord og stolar i ei kantine — Viserektor Rikke Gürgens Gjærum ved UiT Noregs arktiske universitet og dagleg leiar Frode Sollie i Vinterfestuka signerer avtalen som stadfestar fortsatt samarbeid mellom UiT og Vinterfestuka. Foto: Vilde Øines Nybakken / UiT

– I samarbeidet med festivalen er det viktig for oss å bidra til å skape liv i de byene der vi har campusar, slik at det blir levende lokalsamfunn. For studenter lever hele liv. De trenger å høre til, de trenger å bli sett. Når studentene hører til, knytter de bånd, og blir værende, seier Gjærum.

Å involvere studentane i Vinterfestuka, er viktig. Anten det er som frivillige, deltakarar på konferanse, på scena eller blant publikum.

– Vi ønsker å involvere studentane meir. Vi tenker at dersom studentane deltek, er det større sjanse for at dei blir verande her, at dei deltek i kulturlivet og i den sosiale delen. Det sosiale er veldig viktig i VU, seier Sollie.

Les også: Kulturkonferanse i nord: Unik mulighet for UiT-studenter

Arrangement på campus

I 2025 skal Kulturkonferanse i nord for første gong arrangerast på UiTs campus i Narvik, tysdag 18. mars.

Tema for konferansen er kulturens rolle i urolege tider. Viserektor Rikke Gürgens Gjærum står sjølv på programmet, og skal bidra med refleksjonar over kunst som beredskap.

Betongfagdag 2025 arrangerast på UiT Narvik 19. og 20. mars. Nytt av året er at programmet går over to dagar.

Narvik studentersamfunn inviterer dessutan til LAN i Glassgata første helga i VU,14.–16. mars.

Kortnytt fra Fakultet for ingeniørvitenskap og teknologi, Seksjon for kommunikasjon

Nybakken, Vilde Øines vilde.o.nybakken@uit.no Kommunikasjonsrådgivar