AHR driver forsking og undervisning innan arkeologi, historie og religionsvitskap. Ved instituttet er vi rett i underkant av 40 tilsette, fordelt på 23 faste vitskaplege tilsette og om lag 15 stipendiatar, i tillegg til instituttleiar og mellombels tilsette i forskings- og undervisningsstillingar.

Vi kombinerer sterke fagtradisjonar med nyskapande forsking, tett studentoppfølging og solid regional forankring i nord. Vi utviklar kunnskap om menneske og samfunn – i fortid, notid og framtid.

Instituttet er organisert med eigne studieprogramleiarar for studieprogramma i arkeologi, historie og religionsvitskap, og har eit aktivt og engasjert instituttstyre som leiar det samla faglege arbeidet.

HistLab er òg ein del av instituttet. HistLab er eit nasjonalt senter og ei forskingsgruppe med 4 fast tilsette og 2 stipendiatar, i tillegg til mellombels tilsette i forskings- og teknisk-administrative stillingar.