Áigi: Mánnodaga guovvamánu 5. b. 2018, dii. 11.15-12.00
Báiki: Čoahkkinlatnja Guovssu TEO-H2 2.228, Sámi dutkamiid guovddáš
Lene Antonsen doallá ovdasága fáttás
Dihtorjorgaleapmi: manne ja mo?
Lene Antonsen bargá dutkin UiT Norgga árktalaš universitehta Giela ja kultuvrra instituhtas. Son lea oassin Giellateknos - Sámi giellateknologiija dutkanjoavkkus. Su dutkanberoštumit leat earret eará giellaoahppan, leksikografiija ja dihtorjorgaleapmi. Son lea leamaš mielde ráhkadeame dihtorjorgalanreaidduid mat jorgalit davvisámegielas dárogillii ja davvisámegielas lullisámegillii, julevsámegillii ja anárašgillii.
Joho Niillas seminára lea Joho Niillasa dahje Nils Jernslettena gudnin. Joho Niillas lei Romssa universitehta vuosttaš sámegiela professor. Son lei maiddái servodatberošteaddji, earret eará lei son sámediggeáirras, sámi vuoigatvuođalávdegotti áirras ja biibbaljorgalanbarggu jođiheaddji.
Semináraráiddu ulbmil lea sámegillii gaskkustit dutkamiid ja áigeguovdilis áššiid. Sihke UiT Norgga árktalaš universitehta dutkit ja earát leat buresboahtin muitalit iežaset dutkamiid birra. Váldde oktavuođa Sámi dutkamiid guovddáža fágalaš jođiheddjiin Niklas Labbain jus háliidivččet ovdanbuktit iežat dutkama muhtun Joho Niillas semináras.
Bures boahtin!