To førsteamanuensisstillingar i rettsvitskap ved Det juridiske fakultet
Jobbnorge, Tavla, NAV
Aftenposten/Fellesannonsen 6.5.10
Juristkontakt: frist 28.4.10 / utgivelse 12.5.10
Hovedstadsavis i Sverige og Danmark: 6.5.10
Referansenr: 2010/1905
To førsteamanuensisstillingar i rettsvitskap ved Det juridiske fakultet
Søknadsfrist: 02.06.10
Søknader skal merkast: Ref. 2010/1905
Ved Universitetet i Tromsø er det ledig to stillingar som førsteamanuensis i rettsvitskap.
Fakultetet har særskilt behov for søkarar med kompetanse innanfor eit eller fleire av faga metodefag, strafferett, straffeprosess, alminneleg forvaltingsrett, spesiell forvaltingsrett (miljørett, fiskerirett), statsrett, arverett, avtalerett, erstatningsrett, obligasjonsrett, panterett, gjeldsforfølging og konkurs.
Nærare opplysningar ved dekan Hege Brækhus, tlf. 776 44193, e-post: hege.brakhus@uit.no eller fakultetsdirektør Kirsti Anderssen, tlf. 776 44196, e-post: kirsti.anderssen@uit.no
Stillingane er knytt til Det juridiske fakultetet. Fakultetet har ca 20 tilsette i topp- og
mellomstillingar, 15 stipendiatstillingar og 15 administrative stillingar. I tillegg kjem enkelte eksternt finansierte stillingar.
Fakultetet har rett til å tildele gradane master og ph.d. i rettsvitskap.
Nærare opplysningar om fakultetet går fram av heimesida: http://www.jus.uit.no/
Vi viser særleg til sidene om fakultetet sin forskingsstrategi: https://uit.no/jus/1233/48
For fast tilsetting blir det kravd graden dr.juris, ph.d. i rettsvitskap eller tilsvarande juridisk
utdanning.
I tillegg må søkarar kunne dokumentere pedagogiske kvalifikasjonar i form av universitetspedagogisk seminar, anna pedagogisk utdanning eller gjennom å ha utvikla ei
pedagogisk mappe. I særlege tilfelle kan dokumentert praktisk kompetanse som
undervisar bli vurdert som likeverdig.
Pedagogisk mappe, se: https://uit.no/iplu/6637/13
Dersom søkarar ikkje oppfyllar kravet til pedagogisk kompetanse, kan det bli aktuelt med
mellombels tilsetting for inntil tre år etter tenestemannslovas forskrift § 5 nr 1. Søknad
om fast tilsetting med ny vurdering av pedagogisk mappe eller tilsvarande må skje innan
utløpet av treårsperioden. Tilsettinga blir fast dersom søkaren da blir funne kvalifisert.
Den som blir tilsett, vil få medansvar for undervisinga på doktorgrads- og
mastergradsstudiet og for den vidare utviklinga av studia. Undervisingsplikta kan òg
omfatte undervising i juridiske fag ved andre fakultet. Søkarar må kunne undervise, rettleie, samt delta i eksamen på eit skandinavisk språk (norsk, dansk eller svensk).
Som hovudprinsipp skal kvar enkelt tilsett innan denne stillingskategorien bruke like mye tid til undervisning og FoU-arbeid når tid til andre arbeidsoppgåver er trekt frå. Som norm skal det settas av 5 % tid til administrative oppgåver for faglig tilsette i denne stillingskategorien.
Fast tilsatte i stilling som professor, dosent, førsteamanuensis og førstelektor har rett til å søke om forsknings- og utviklingstermin med lønn, jf. Retningslinjene for fordeling av FoU-termin
Førsteamanuensis blir lønna etter statens regulativ kode 1011.
Det blir trekt 2 % pliktig innskot til Statens pensjonskasse.
Søkarane vil bli vurderte av ein sakkyndig komité. Hovudvekta vil bli lagt på vurderinga
av dei innleverte vitskaplege arbeida. Det vil dessutan bli lagt vekt på pedagogiske
kvalifikasjonar, erfaring frå popularisering/formidling, fagpolitisk og administrativt
arbeid.
Opplysningar og materiale som det skal takast omsyn til i vurderinga må vere levert
innan søknadsfristen. Eventuelle referansar må opplysast.
Det vil òg bli lagt vekt på personlege eigenskapar. Søkarane må ha gode
samarbeidseigenskapar og evne til å yte positivt til oppbygging av eit godt fagmiljø.
Universitetet i Tromsø ønskjer å rekruttere kvinner til forsking. Dersom to eller fleire
søkarar blir funne tilnærma likeverdig kvalifiserte vil Universitetet stille kvinner føre
menn.
Eige skjema om pedagogiske kvalifikasjonar må fyllast ut og leggast ved søknaden,
uit.no/poa/vitenskapelige-stillinger
Ei liste over alle arbeida til søkaren, med opplysningar om kor dei er offentleggjorte, må
leggast ved søknaden.
Søknad sendes elektronisk via ”Søk på jobben” på denne siden.
I tillegg sendes søknad med CV, bekreftede kopier av vitnemål og attester, skjema over pedagogiske kvalifikasjoner og listen over arbeider innen søknadsfristens utløp - i 4 eksemplarer - direkte til:
Det juridiske fakultet
Universitetet i Tromsø
9037 Tromsø
ARBEID - publiserte eller upubliserte - som søkaren ønskjer det skal bli tatt omsyn til
ved vurderinga må leverast i tre eksemplar og vere ordna i tre komplette sett.
Arbeida skal sendast, innan søknadsfristen går ut, direkte til:
Det juridiske fakultet
Universitetet i Tromsø
9037 Tromsø
Det blir elles vist til "Utfyllende bestemmelser for tilsetting i undervisnings- og
forskerstillinger ved Universitetet i Tromsø" og til ”Forskrift om ansettelse og opprykk i
undervisnings- og forskerstillinger: uit.no/poa/vitenskapelige-stillinger
Spørsmål om korleis arbeidsmiljøet er tilrettelagt, inkludert arbeidsstadens fysiske miljø,
helseteneste, muligheiter for fleksitid, deltid o.l. kan rettast til telefonreferansen.
På bakgrunn av eit personalpolitisk mål om at arbeidsstaben skal gjenspegle
befolkningssamansetninga generelt, både når det gjeld kjønn og kulturelt mangfald, blir
spesielt kvinner og personar med minoritetsbakgrunn oppmoda om å søke. Universitetet
er IA-verksemd og vil forsøke å legge arbeidsforholda til rette for tilsette med redusert
funksjonsevne.
Personopplysningar som blir gitt i søknad og CV til stillingar vert behandla etter Lov om behandling av personopplysningar; personopplysningslova. Etter offentlegheitslova § 25, 2. ledd kan søkar be om ikkje å bli ført opp på den offentlege søkarlista. Universitetet kan likevel avgjere at namnet på kandidaten skal bli offentleggjort. Søkar vil i forkant av slik offentleggjøring bli varsla.
UNIVERSITETET I TROMSØ
9037 Tromsø
