UiT studeanttaidáittardeaddji

Studeanttaidáittardeaddji sáhttá veahkehit daiguin áššiiguin

Studeanttaidáittardeaddji lea nuvttá fálaldat UiT studeanttaide. Studeanttaidáittardeaddji veahkeha du, gii leat studeanta, áššiiguin mat gusket du oahppodilálašvuhtii.

Studeanttaidáittardeaddjis lea jávohisvuođageasku, ja son beassá dušše geahččat dokumeanttaid maid studeanttat ieža addet sutnje. Studeanttat sáhttet dan dihte leat oadjebasat ahte buot oktavuođat leat guovttigaskasaš oktavuođat, jus ii leat šiehtadan maidege eará.

Studeanttaidáittardeaddji sáhttá:

• Guldalit du vuorjašumiid ja bagadit váttes dilálašvuođain.
• Iskat čuovvugo UIT gustovaš lágaid ja njuolggadusaid.
• Leat mielde čoavdime ášši nu vuollegis dásis go vejolaš.
• Leat bealátkeahtes ja iešmearrideaddji ásahus áššeoasálaččaid gaskkas jus čuožžila nággu.
• Čilget studeanttaid vuoigatvuođaid ja geatnegasvuođaid.

Studeanttaidáittardeaddji ii sáhte:

• Váldit beali áššis dahje mearridit áššiid.
• Bagadit UiT ovttadagaid dahje mearridanorgánaid.
• Leat váidin- dahje guoddalanásahus áššiin maid UiT mearridanorgána lea gieđahallan ja mearridan.

Váldde oktavuođa nu jođánit go vejolaš jus dus leat gažaldagat. Ii oktage jearaldat leat menddo unni dahje stuoris. Studeanttaidáittardeaddji mearrida ieš sáhttá go son veahkehit dahje ii, go muhtin váldá oktavuođa. Jus Studeanttaidáittardeaddji ii sáhte veahkehit du ášši čoavdit, de oaččut veahki mannat viidáseappot iežat áššiin.

Váldde oktavuođa Studeanttaidáittardeddjiin

studentombudet@uit.no

+47 97713040

 facebook.com/studentombudetUiT

@StudentombudetUiT

Sádde e-poastta, sms dahje dieđu Facebookas. Čilge oanehaččat manne válddát oktavuođa. Ale sádde hearkkes dieđuid iežat birra. Studeanttaidáittardeaddji vástida buot jearaldagaide dađistaga, ja šiehtada duinna goas ja gos heive deaivvadit.