Joho Niillas stipeanda

Dá lea stipeandaortnet UiT Norgga árktalaš universitehta sámegiela studeanttaide. Stipeanda ásahuvvui 2002:s Joho Niillasa dahje Nils Jernslettena gudnin, gii lei UiT vuosttaš sámegiela professor. Sámi dutkamiid guovddáš hálddaša stipeandaortnega.

Guhkiduvvon ohcanáigemearri!

2023 ohcanáigemearri lea guhkiduvvon vuossárgii geassemánu 12. b. 2023 dii 23.59.
(ohcanáigemearri lei vuos sotnabeaivve geassemánu 4. b. 2023 dii. 23:59)

Geat sáhttet ohcat?

Studeanttat geat lohket sámegiela UiT Norgga árktalaš universitehtas. Studeanttat 2000-dási fáttáin ja mastergrádadásis vuoruhuvvojit.  

Joho Niillas stipeandda ulbmil

Joho Niillas stipeanda lea stipeandaortnet UiT Norgga árktalaš universitehta sámegiela studeanttaide. Stipeandda ulbmil lea movttiidahttit eanet studeanttaid lohkagoahtit sámegiela fágan. 

Mo ozat?

Čále ohcama sierra ohcanskovvái. Ohcan sáddejuvvo e-poastan dán e-poastačujuhussii: postmottak@sami.uit.no

Mildosat

Ohcama mielddusin galget leat:

• Lohkanbadjekoartta máŋggus
• Humaniora, servodatdiehtaga ja oahpaheaddjeoahpu fakultehta (HSL-fak) duođaštus ahte leat UiT Norgga árktalaš universitehta sámegiela studeanta
• Bagadallicealkámuš (mastergrádastudeanttat)

Oktavuođaolmmoš

Arnstein Johnskareng, arnstein.johnskareng(a)uit.no, tlf 77 64 69 02