(Ny tid! Senter for samiske studier inviterer til Joho Niillas seminar torsdag 19. april 2018 kl. 11.15-12.00. Ánde Somby skal snakke om selvbestemmelse i et urfolksperspektiv. Formålet med Joho Niillas seminarene er å skape en arena for å diskutere faglige tema på samisk. Ta med matpakke, vi serverer kaffe og te.)
Áigi: Duorastaga cuoŋománu 19. b. 2018, dii. 11.15-12.00
Báiki: Čoahkkinlatnja Guovssu TEO-H2 2.228, Sámi dutkamiid guovddáš
Juridihka vuosttašamanueansa Ánde Somby doallá ovdasága fáttás
Iešmearrideapmi gehččojuvvon perspektiivvas
Eanet ovdasága birra:
Go dimis boahtá garrasa ovddal
Ságastallan iešmearrideami birra lea guovddáš álgoálbmot politihkas ja álgoálbmotrievttis. Muhto man ektui galggašii veardádallat dan lea okta daid báhkkaseamos oaksegažaldagain. Dán logaldaddames lea ulbmil lebbet konteavstta dasa. Dat boahtá dahkkot dainna lágiin ahte gažaldat speadjalasto dan ektui ahte mo muđui sáhttá oktavuohta gaskal stáhta ja álgoálbmoga lágiduvvot. Dat govatallo sihke historjjálaš ja áigeguovdilis ovdamearkkaid bokte.
Joho Niillas seminára lea Joho Niillasa dahje Nils Jernslettena gudnin. Joho Niillas lei Romssa universitehta vuosttaš sámegiela professor. Son lei maiddái servodatberošteaddji, earret eará lei son sámediggeáirras, sámi vuoigatvuođalávdegotti áirras ja biibbaljorgalanbarggu jođiheaddji.
Semináraráiddu ulbmil lea sámegillii gaskkustit dutkamiid ja áigeguovdilis áššiid. Sihke UiT Norgga árktalaš universitehta dutkit ja earát leat buresboahtin muitalit iežaset dutkamiid birra. Váldde oktavuođa Sámi dutkamiid guovddáža fágalaš jođiheddjiin Niklas Labbain jus háliidivččet ovdanbuktit iežat dutkama muhtun Joho Niillas semináras.
Bures boahtin!