Verdas vakraste orkidéar?

Orkidéslekta marisko (Cypripedium) med artar og hybridar er fantastisk fascinerande med sine opp til 10 cm store blomster.

Alle har eit bolleforma kronblad, der insekt kravlar rundt og pollinerer og må gjere ein ekstra innsats for å komme seg ut.

Ole P. Olsen i Balsfjord donerte den imponerande hageplantesamlinga si til Botanisk hage for eit-par år sidan. Han hadde mange marisko-orkidéar og no blomstrar ein god del av desse i Botanisk hage, dei fleste står i peonsamlinga.

På tirsdag skal vi presentere desse plantane som stort sett er freda i naturen, som er eksklusive i hagar, men som er på tur inn i marknaden på grunn av oppformering via vevskultur. No er det mogleg, men krevjande og litt dyrt å skaffe seg materiale av desse.

Oppmøteplass: Hansine Hansens hus i Botanisk hage.

VELKOMMEN !