Hans Husøy

 I Tromsø går eg masterprogrammet i Samfunnsplanlegging og kulturforståing. I Japan har eg teke fag på masternivå innan sosiologi, geografi, boligpolitikk, turisme og planlegging.

Det er utvilsamt store kulturskilnadar og sjølv om ein førebur seg på desse, er det vanskeleg å unngå ei eller anna form for kultursjokk. Av kulturskilnadar er kanskje maten det beste. Japansk mat er billig og bra – det er stort sett alltid rimelegare å ete ute i Japan enn i Noreg.

Sjølve undervisningsopplegget er litt annleis enn i Noreg, med ei forelesing i veka per emne. Dette kan frigjere mykje tid om ein vil jobbe med andre prosjekt, vere turist, ha fri, eller gjere kva som helst. Eit stort pluss er klimaet, som er varmt med høg luftfuktigheit. Ein får stort sett to sommarmånadar ekstra og ein kan risikere å måtte gå i shorts og t-skjorte i november.

Om ein vil bestemme over kvardagen sjølv har ein veldige gode føresetnadar for dette ved Toyo University. Det er ei makelaus oppleving å bu i verdas største by med alt den har å by på.