Slik vert tilsettingsprosessen for rektor
Den neste åremålsperioden for rektor og prorektorane startar 1. august 2025. Tilsettingsprosessen er no godkjent av styret og startar snart.
Den neste åremålsperioden for rektor og dei to prorektorane går frå 1.8.2025 til 31.7.2029.
UiT sine to viserektorar, leiar for UMAK og alle dekanane skal òg inn i ny åremålsperiode, frå 1.1.2026 til 31.12.2029. UiT vil først lyse ut og tilsette rektor, så prorektorar og til slutt viserektorar, UMAK-leiar og dekanar.
Det er universitetsstyret som tilsett i alle stillingane, slik universitets- og høgskulelovas § 10-1 og UiT sitt personalreglement bestemmer. Dei er difor ansvarlege for å fastsette utlysningstekstar, fastsette korleis innstillinga skal skje, og gjere tilsettingane.
Kravet i universitets- og høgskulelova er at tilsettingsprosessen skal sikre at rektor har fagleg og leiingsmessig legitimitet, og at studentane og dei tilsette vert høyrde.
På universitetsstyret sitt møte 7. mars vedtok dei følgjande plan:
| 20.8.2024 | Søknadsfist for stilling som rektor |
| 27.11.2024 | Tilsetting av rektor for perioden 1.8.2025 – 31.7.2029 |
| 10.4.2025 | Søknadsfrist for stillingar som prorektor |
| 11.6.2025 | Tilsetting av prorektorar for perioden 1.8.2025 – 31.7.2029 |
| 20.8.2025 | Søknadsfrist for stillingar som viserektorar og dekanar |
| 1.12.2025 | Tilsetting av viserektorar, UMAK-leiar og dekanar for perioden 1.1.2026 – 31.12.2029 |
Kortnytt fra Universitetsledelsen
