Joho Niillas seminára: Meahcci – doppe gos mii orrut

(Senter for samiske studier inviterer til Joho Niillas seminar torsdag 27. oktober 2022 kl. 13.00-13.45. Formålet med Joho Niillas seminarene er å skape en arena for å diskutere faglige tema på samisk. Vi serverer kaffe og te.)

Áigi: Duorastaga golggotmánu 27. b. 2022, dii. 13.00-13.45

Báiki: Čoahkkinlatnja Guovssu TEO-H2 2.228, Sámi dutkamiid guovddáš

Lill Tove Fredriksen logaldallá fáttás 

Meahcci – doppe gos mii orrut

Mo leat sámi relašunála gaskavuođat eatnamii? Mii lea báiki? Báikkis orrot olbmot ovttas eará sivdnádusaiguin. Báiki lea maiddái muhtin suopmaniin doppe gos olmmoš orru, gos su viessu lea. Meahcci-sánis leat máŋggat mearkkašumit. Min gaskavuohta meahccái lea dán ovdanbuktima fáddá. Geavahan guokte muitalusa govvan dasa maid meahcci mearkkaša, maid mii bargat doppe, ja mo mii láhttet iešguđet oktavuođas. Man dehálaš lea árbemáhttu go vánddardit meahcis, ja dárbbašit láhttet eatnamis, eatnama láhkai? Sáhttá go árbemáhttu veahkehit min duostut áiggiid mat leat boahtimin, ja áddet ahte mii eallit ovttas eatnamiin, mehciin?

Dát lea nubbi Joho Niillas semináralogaldallan 2022:s.

Joho Niillas seminárat lea Joho Niillasa dahje Nils Jernslettena gudnin. Joho Niillas lei Romssa universitehta vuosttaš sámegiela professor. Son lei maiddái servodatberošteaddji, earret eará lei son sámediggeáirras, sámi vuoigatvuođalávdegotti áirras ja biibbaljorgalanbarggu jođiheaddji.

Semináraráiddu ulbmil lea sámegillii gaskkustit dutkamiid ja áigeguovdilis áššiid. Sihke UiT Norgga árktalaš universitehta dutkit ja earát leat buresboahtin muitalit iežaset dutkamiid birra.

Lea maiddái vejolaš čuovvut logaldallama Teams bokte: 
https://teams.microsoft.com/l/meetup-join/19%3ameeting_ZTVmMTQ1NWQtMmQ2OC00OWI3LTg3OTktNmFmZjhlOWQwMTNi%40thread.v2/0?context=%7b%22Tid%22%3a%224e7f212d-74db-4563-a57b-8ae44ed05526%22%2c%22Oid%22%3a%221b7418ef-6b40-4ae2-ac57-c39da58c6bda%22%7d

Bures boahtin!