7. SOLEIEFAMILIEN

Plantene i soleiefamilien (Ranunculaceae) er urteaktige (unntatt klatreplantane i slekta Clematis) og giftige.

Anemone trullifolia

Plantene i soleiefamilien (Ranunculaceae) er urteaktige (unntatt klatreplantane i slekta Clematis) og giftige. 

Familien omfattar store og viktige slekter som soleier (Ranunculus), anemoner (Anemone), kubjeller (Pulsatilla) og høgstaudane hjelmar (Aconitum) og riddersporar (Delphinium). Dei fleste slektene feller umodne frø som ligg på bakken og ettermodnar embryoa før frøa kan spire.

Familien er veldig gammal, og blomsteren hos ballblom (Trollius) liknar på konglene hos dei utdøydde bartre-slektningane som var stamformer til blomsterplantane. Men no har dei fått farger for å tiltrekkje seg pollinatorar, og er blitt tokjønna. Og frøa ligg ikkje ‘nakne’ på kongleskjel, for dei siste har i løpet av evolusjonen gradvis bretta seg saman slik at frøa ligg inni det nye organet ‘frukt’. Denne prosessen kan du ane ved å studere dei tørre belgkapsel-fruktane hos ballblom. 

Blomsterplantane har stor diversitet når det gjeld transport av pollen og frø. Blomstrane i denne hagen er laga for insekta, ikkje som pynt for oss, og du står no eigentleg i eit utandørsmuseum over samevolusjon.