Blomstringsvarsel 2022
I Tromsø arktisk-alpine botaniske hage blomstrar det gjennom heile sommaren og hausten! Her finn du varsel om kva for artar som blomstrar og er ekstra fine i hagen akkurat no. Vi har god plass, det er gratis inngang og åpent 24 timer i døgnet heile veka. Velkomen på besøk!
Blomstringsvarsel 2022-7, 25. aug. →
i Tromsø arktisk-alpine botaniske hage –
GÅ IKKJE GLIPP AV:
1. Verdas største søtesamling. No dominerer frynsesøte frå (Gentiana septemfida) frå Kaukasus, og søtesøstrene (Swertia-artar) på nordsida. Dei siste har store, skålforma nektarier, er fulle av humler og veps no på hausten; her i S. kingii på oversida av Himalaya, planten har stått der sidan 1991.
2. Høgstaudar overalt i Hagen! Riddarspore- (Delphinium) og hjelm-artar (Aconitum) er det mange av, og i soleiesamlinga er dei vel 3 m høge takka vere ‘frau’ (= husdyrgjødsel), og gangtunnelen mellom dei er imponerande.
3. Tradisjonsplantesamlinga er også på topp no. Her, også i Alpesamlinga, er det mykje av ein rar skjermplante, stjerneskjerm (Astrantia major), inntil 3 m høge mjødurtartar og mange fleire.
4. Ved inngangen til sildresamlinga blomstrar Micranthes mandchuriensis, ei sildreslekt som er vanskeleg å dyrke i varmare klima.
5. Saxifraga imparilis. Like innafor den forrige, representant for den aust-asiatiske gruppen Irregulares, kor nedre kronblad er mykje lengre enn dei andre. Før dyrka vi ingen slike her i nord, men no sjølvsår denne seg.
6. Calceolaria mexicana. Eitt-årig, meksikansk plante med sitrongule blomster ved inngangen til S-Amerika.
Last ned blomstringsvarslet i word-format her: