SAMINOR oassálastiide
Mii leat dál geargan SAMINOR 3 iskkademiin. Maŋemuš rahpanbeaivi lei 16. beaivvi juovlamánus.
Lea ain vejolašvuohta sáddet sisa jearhallanskovi, jus it leat ovdal háhppehan. Jus háliidat skovi, de sáddes midjiide e-poastta saminor@uit.no. Jus leat gažaldagat de sáhtát riŋget gaskkal dii. 10 ja 14 tel. +47 406 49 469.
Jagi 2026 mii johttigoahtit fas suohkaniidde muitalit bohtosiid iskkadeamis.
Mii dáhpáhuvvo du dieđuiguin?
Buot dieđut maid attát iskkadeamis vurkejuvvojit dorvvolaččat databásii man datagieđahalli lea UiT Norgga árktalaš universitehta. Dieđut mat leat čohkkejuvvon galget adnot boahttevaš dutkamii. Dás sáhtát lohkat eambbo persovdnasuodjalusa, dutkamuša ja mieđáhusa birra.
Du searvan lea mávssolaš
Go searvvat, de leat deaŧalaš veahkkin dearvvašvuođadutkamii. Guorahallama bohtosat sáhttet muitalit olu álbmoga dearvvašvuođadili birra, ja dat dieđut leat deaŧalaččat suohkaniidda, gielddaide, fylkkagielddaide, dearvvašvuođaeiseválddiide ja Sámediggái. Daid dieđuid sáhttet atnit bidjat johtui doaimmaid mat addet álbmogii buoret dearvvašvuođa ja heivehuvvon dearvvašvuođabálvalusaid.
