Sámegillii

Mii lea sámeriekti?

Sámeriekti lea daid riektesurggiid oktasašnamahus mat gieđahallet áššiid mat erenoamážit gusket sámi álbmogii. Sámerievtti váldoulbmil lea nannet ahte sápmelaččat besset ovdánahttit gielaset ja eallinvugiideaset.

Sámeriekti guovdilastá daid riektenjuolggadusaid gos kultuvrralaš erohusat gaskal sámiid ja eanetloguálbmoga dagahit ahte riektenjuolggadusat doibmet iešguđetládje. Og sámit leat okta álbmot njealji riikkas, de sáhttet stuora oasit sihke norgga, ruoŧa, suoma ja ruošša rievttis prinsihpas leat sámeriekti.

Sámeriektedutkan

Vaikko sámit leat okta álbmot njealji riikkas, de lea unnán sámeriektedutkan dahkkon. Norggas leat bealuštan dušše moadde juridihka doavttergráda nákkosgirjji sámerievttis. Stuorámus ja viidámus dutkan lea dássážii dahkkon "vuoigatvuođain eatnamiidda ja čázádagaide". Dát gažaldagat leat šaddan áigeguovdilin Sámi vuoigatvuođalávdegotti II láhkaevttohusain 2007:s, riddoguolástuslávdegotti láhkaevttohusain 2008:s, ja Finnmárkkukommišuvnna bargguid álggahemiin 2009:s.

Sámeriektái gullet eanet go dušše vuoigatvuođat luondduriggodagaide. Sámeriektedutkit barget maiddái áššiiguin mat gusket sámiid vuoigatvuođaide geavahit eatnigielaset skuvllas, dearvvašvuođabálvalusas ja duopmostuolus. Eará guovddáš ášši sámerievttis lea makkár riekteipmárdus lea sámiin, ja movt galgá duopmostuollu dan deattuhit. Lea go sámiin earalágan oaidnu vuoigatvuođaide go earáin? Mearkkaša go sámi iešmearrideapmi ahte sámit galget mearridit juohke lágan áššiin? Sámeriektedutkan maiddái berošta dálá sámiid árbevieruin ja movt daid sáhttá suddjet rihkkumiid vuostá. Gieđahallat maiddái gažaldagaid lea go luođis ja eará kulturovdanbuktimiin riektesuodjalus.

Prošeakta



Miellahttun


Hoavda


Publikašuvdna


Artihkal
Girji

Dutkiidjoavkku birra

Sáme- ja eamiálbmotriekti lea okta Juridihka fakultehta vuoruhansurggiin. Norgga stáhtas lea mieldeovddasvástádus nannet sámi giela, kultuvrra ja ealáhusaid, dás maiddái ahte sámiid árbevirolaš guovlluid geavaheapmi dohkkehuvvo ja suddjejuvvo rievttálaččat. Dás leat máŋga ja stuora juridihkalaš hástalusa.

Juridihka fakultehta sámerievtti dutkiidjoavkku ulbmil lea buvttadit ođđa dieđuid mat dahket ahte daiguin hástalusaiguin birgehallá. Lassin dasa ahte almmuhit riektedieđalaš teavsttaid, populearadieđalaš girjjálašvuođa, oahppogirjjiid ja eará dieđu, lea min ulbmil nannet sámeriektedutkama oahpahusa ja ulbmillaš dutkiidrekrutterema bokte ja dan bokte go bures bagadallat studeanttaid geat háliidit čállit masterčállosa sámeriektefáttás.

Sámegillii


Øyvind Ravna
Det juridiske fakultet Universitetet i Tromsø
NO-9037 Tromsø
+47 776 46510
oyvind.ravna@uit.no
Show map
Logg inn / Login