GEASSEDÁLKKÁDAT
Dálkkádatrievdamat dáhpáhuvvet dál Árktisis 3-4 geardde jođáneappot go gaskamearálaččat máilmmis. Suoidnemánnotemperatuvrrat siskkimus ja alimus osiid Várnjárggas leat loktanan measta 1 gráda juohke 10 jagis 1990 rájes.
Dat lea dagahan ahte stuora areálain main lea vuolleárktalaš duottar lea juo dálkkádat mii heive vuovdái. Loga eanet vuovddi ja ordaráji birra dás
Suoidnemánnotemperatuvrraid treandat áigodagas 1991-2019 mihtiduvvon grádaid celcius -rievdamiid mielde juohke jagi.
Iešguđetlágan dálkkádatsonaid rievdamat Nuorta-Finnmárkkus áigodagain 1961-1990 ja 2011-2018.
Sona F – mas lea dálkkádat mii heive vuovdát (gaskamearálaččat badjel 12 oC suoidnemánus) – lea hirbmosit sturron, ja sona D (gaskamearálaččat vuollel 10 oC suoidnemánus) gávdno dušše muhtun sajiin.
DÁLVEDÁLKKÁDAT
Várjjagis leat bivvalat lassánat gaskamearalaččat 10 beivviin 1990 rájes. Go dávjá rievddada bivvalis buollašii, de muohta jiekŋu ja šaddá garas.
Dat dagaha váttisvuođaid sáhpániidda ja bohccuide mat borret šattuid duoddaris. Dakkár ruostibuollašat – buollašet go -30oC – eai bálljo šat leat Nuorta-Finnmárkkus.
Loga eambbo dan birra movt dálkkádatrievdamat váikkuhit sáhppániidda ja bohccuide.
Go leat bivvalat ja buollašat gasku dálvvi de sáhttá duoddaris. jiekŋut eanan.
Govva: Jan Erik Knutsen
Dat guovllut gos lea dávjá ekstremabuollašat Nuorta-Finnmárkkus – definerejuvvon -30oC dahje buollašet – leat unnon mearkkašahtti áigodagas 1991-2019 go buohtastahttá áigodagain 1961-1990.