Giron ja rievssat
Vaikko rievssatmáddodat lunddolaččat rievddada, de lea oppalaččat dat unnon garrasit olles Fennoskándias, maiddái dáppe Várnjárggas.
Muhto man dihte dat rievtti mielde unnu?
Ja sáhttit go mii dahkat maidege stabiliseret máddodaga?
Stuora sivva manne rievssatmáddodat unnu čájehuvvo leat dálkkádatrievdan.
Rievssat lea oassi stuora biebmofierpmádagas mas leat šlájat maidda dálkkádatrievdan váikkuha máŋgga ládje.
Olu boraspiret ellet rievssahiin, ja dutkan čájeha ahte leat erenoamážit boraspiriid máddodatrievdamat mat váikkuhit rievssahiidda.
Boahtte siidduin beasat lohkat makkár dadjamuš dálkkádatrievdamis ja daid iešguđetlágan elliid,mat leat figuvrras olgeš bealde, rievdamis lea rievssatmáddodahkii.
Coahkkal dákko geahččat movt iešguđetge lágan
fáktoriid rievdan sáhttá
váikkuhit rievssatmáddodahkii boahtteáiggis.
Govva: Valeri Belov
_SA.jpg "rype_nett_tekst.png")
Dálkkádatrievdamat sáhttet váikkuhit njuolga rievssahii
Ekstremadálki
Vuosttaš vahkkuid čivgama maŋŋel leat dat unna rievssatčivggažat asehaččat ja hearkkit galbmasii ja arvái.
Njuoska uvja ii ligge bures, ja jus arvá olu guhkit áiggi, de sáhttet rievssatčivggat galbmot jámas.
Otnon dálvvit
Lea beaivvi guhkkodat, ii ge temperatuvra, mii eanas stivre goas rievssat coggá vilges beaskka dálvái.
Dat mearkkaša ahte go ii muohte nu árrat čakčat – ja árabut maid muohta suddá dálvet – de lea rievssat liikká vielgat vaikko eatnamis ii leat ge muohta. Dat dahká ahte lea bahá borahallat boraspiriide.
Eanet bohccot jápmet njuoska dálvviid dihte.
Eanet boazoráppit mearkkašit eanet biebmu generalisttaide: riebanii, garjái ja eará elliide mat borret dan maid lea álkimus oažžut. Dan dihte dat birgejit nu bures ja lasket.
Nu lea maid rievssahii hui bahá borahallat daidda boraspiriide.
Govva: Jikŋon eanan: Jan Erik Knutsen, boazorábbi: Rolf A. Ims, rievssatčivga: Marita Anti Strømeng, ja rieban: : Geir Vie.
_SA.jpg "rype_nett_tekst.png")
Unnit sáhpánat cevzet daid njuoska, rievddadeaddji dálvviid.
Dat dahká ahte duoddaris unnot diet stuora goddesáhpán- ja sáhpánmáddodagat.
Dan dihte šaddet sáhpánspesialisttat borrat rievssatmoniid ja rievssatčivggaid.
Sáhpánspesialisttat leat boraspiret mat eanas ellet sáhpániiguin.
Ovdamearkkat sáhpánspesialisttaide: buoidda, nirpi, njálla, boaimmáš ja skuolfi.
Govva: Jikŋon eanan: Jan Erik Knutsen, jápmán goddesáhpán: Rolf A. Ims, rievssatčivga: Marita Anti Strømeng ja nirpi: coat.no
_SA.jpg "rype_nett_tekst.png")
_SA.jpg "klima_gjengroingJpg.jpg")
Rievssatfálli lea rievssatspesialista, mii mearkkaša ahte eallá eanas rievssahiin. Dat lea dan dihte gitta rievssahiin, ja dan máddodat čuovvu rievssatmáddodaga, nu movt dás illustrerejuvvon.
Jus rievssatmáddodat unnu, de sáhttá čuohcat garrasit rievssatfálliide. Das eai lea nu galle molssaeavttu biepmuide, ja jus rievssahat unnot bearehaga, de sáhttá rievssatfálli oalát nohkat. Rievssatfálli lea dan dihte merkejuvvon rukseslistui hearkin (VU).
Vaikko juohke ovttaskas rievssatfálli borrá ge máŋga rievssaha, de lea dan máddodat unni rievssatmáddodaga bálddas ii ge oro čuohcame rievssatmáddodahkii hupman veara olu.
Rievssatfálliid ja rievssahiid oktavuohta lea juoga maid mii dutkat, ja muhtun jagiid geahčen diehtit sávvamis man olu rievssahat fertejit leat vai bissu eallinfámolaš rievssatfállemáddodat ja makkár effeakta rievssatfállis lea rievssatmáddodahkii.
Ná mii dutkat rievssahiid
Ovttasbarggus FeFoin ja báikkálaš bivdiiguin vázzit mii fásta ruvttuid juohke čavčča, gos ohcat loddebeatnagiiguin rievssatčivggaid.
Registreremat muitalit sullii galle rievssaha leat ja man olu čivggaid leat ožžon juohke jagi.
Govva: Marita Anti Strømeng
Mii registreret maid rievssatbaikkaid fásta sajiin oaidnin dihte man olu rievssahat gávdnojit meahcis juohke jagi.
Govva: John-André Henden
Dán bovssas lea dakkár báddenrusttet
mii bádde rievssatskeaikima giđđat.
Jietnabáttit adnojuvvojit sihke
rievssahiid ja gironiid registreremii.
Govva: Jan Erik Knutsen
Mii lohkat rievssatfálliid, goaskimiid, boaimmážiid ja gáranasaid besiid ja čivggaid čuovvun dihte dakkár boraspiriid máddodagaid mat borret rievssahiid ja gironiid.
Dálvet mii bidjat sevttiid ja fuođđokámeraid registreren dihte boraspiriid mat bohtet. Dás lea okta min fuođđokámerain govven goaskima mii lea čohkkedan juste gasku borranlihti.
Giron
Nannan-Norggas lea hui unnán diehtu gironiid birra, ja Várjjat lea dat áidna báiki go gironat gozihuvvojit.
Gironiid ohcamii adno hui hárve loddebeana. Giron eallá dakkár habitáhtain gos lea váttis atnit beatnaga, ja láhtte maid earáládje beatnagiin go maid rievssat dahká.
Dan dihte leat mis veaháš eará vuogit čuovvut girona máddodaga go maid rievssahiin dahkat.
Juohke čavčča ohccojuvvojit beatnagiid haga
girončivgamat. Registreremat juohke beasis
adnojuvvojit rehkenastit galle čivgga
guhte ge loddi lea ožžon dan jagi.
Govva: Geir Vie
Guldalanbovssaiguin báddejuvvojit
gironat seammaládje go rievssahat.
Govva: Jan Erik Knutsen
Masa adno rievssahiid dutkan?
Hálddašeapmi
Go diehtá mii lea mii dagaha ahte rievssatmáddodat rievddada, de lea vejolaš addit báikkálaš eiseválddiide ávžžuhusaid movt sáhttet stuoridit máddodaga – nu go bivdit boraspiriid mat borret rievssahiid.
Dat go rehkenastit gironiid ja rievssahiid logu Várnjárggas, sáhttá adnot máddodagaid hálddašeapmái – ovdamearkka dihte rievssahiid bivdoeriide.
Bivdoearit
Vaikko boraspiremáddodagain lea mearkkašahtti stuorát mearkkašupmi rievssatmáddodahkii go das ahte galle rievssaha báhččojuvvojit bivddus, de leat jahkásaš rievssatbivdoearit maiddái dehálaš doaibmabidju vai ollislaš deaddu nállái ii šatta beare stuoris.