Design ja metåvddå
Guoradallam la doarestsæhkkáguoradallam Tsæhkká (bierggo, librre, buojdde ja adám) viettjaduvvin boahttsunjuovadagájs standardisieridum tsiehkkimvuogij milta. Dá tsæhkká de guoradaláduvvin biektelisábnnasij (buojddenárre, buojddesuvre, vitamijna, minerála) ja birásselga (persistenta orgánalasj birásselga ja låssåmetálla).
Tjuolldem ja dáhtáj tjoahkkim
Prosjevta vuodon li tsæhkká 131 boahttsujs 14 tjieldijs 4 fylkajs (Finnmárkko, Råmsså, Nordlánnda ja Oarjje-Trøndeláhka) Nuortta- ja Gasska-Vuonan. Tsæhkká tjoahkkiduvvin guovten ájggudagán: 2004-2005 ja 2008-2009. Ienemus tsæhkká lidjin boahttsujs Finnmárkos danen gå Finnmárkon li ienemus tjielde lándan.
Dutkam ja gávnnusa
Biektelisábnnasij, låssåmetállaj ja persistenta orgánalasj birásselgaj dáhtá li almoduvvam rijkajgasskasasj ájggetjállagijn. Duodden la bivnosdiedalasj artihkal boahttsubiergo, libre, buojde ja adáma biektelisábnnasij ja låssåmetállaj birra almoduvvam ájggetjállagin Ottar ja publikasjåvnån "Korsen e det med helsa di? Gokte don leak rupmaha bearri?".
Båhtusa vuosedi gå bårråp boahttsubiergov ja ietjá buktagijt boahttsus de oadtjop viek ålov dassta majt dárbahip moatte ájnas biektelisábnnasijs. Dasi duodden la bierggo, librre, buojdde ja adám boahttsus jasska bårråt låssåmetállaj ja persistenta orgánalasj birásselgaj hárráj, aj boahttsujs ma båhti tjieldijs ma li ruossja rájá lahka ja tjieldijs majn li edna gruvvodåjma ja militera dåjma. Boahttsubiergon la alla dáse vitamijnajs B12 ja E, ruovdde ja sink gå buohtastahttá biergoj ietjá vuona juhtusijs. Dán guoradallamin gávnajma jut ieridisá geografijja hárráj dán guoradallamin ællim heva stuoraga.
Almodusá
Dåktårgrádabarggo
Hassan, Ammar Eltayeb Ali: Nutrients and toxic elements in semi-domesticated reindeer in Norway: Nutritional and food safety aspects. ISM skriftserie nr. 129, 2012. (ISBN 13: 978-82-90263-44-2).
Artihkkala
(Mar 2012) Hassan AA, Sandanger TM, Brustad M: Level of selected nutrients in meat, liver, tallow and bone marrow from semi-domesticated reindeer (Rangifer t. tarandus L.). Int J Circumpolar Health 2012, Vol. 71: 17997.
(Apr 2012) Hassan AA, Rylander C, Brustad M, Sandanger TM: Level of selected toxic elements in meat, liver, tallow and bone marrow of young semi-domesticated reindeer (Rangifer tarandus tarandus L.) from Northern Norway. Int J Circumpolar Health. 2012 Apr 4; 71(1): 18187, published online 4 Apr 2012.
(May 2012) Hassan AA, Brustad M, Sandanger TM: Concentrations and geographical variations of selected toxic elements in meat from semi-domesticated reindeer (Rangifer tarandus tarandus L.) in mid- and northern Norway: evaluation of risk assessment. Int J Environ Res Public Health. 2012 May; 9(5):1699-1714.
(May 2012) Hassan AA, Sandanger TM, Brustad M. Selected Vitamins and Essential Elements in Meat from Semi-Domesticated Reindeer (Rangifer tarandus tarandus L.) in Mid- and Northern Norway: Geographical Variations and Effect of Animal Population Density. Nutrients 2012, 4(7): 724-739. https://doi.org/10.3390/nu4070724.
(Dec 2013) Hassan AA, Rylander C, Brustad M, Sandanger TM. Persistent organic pollutants in meat, liver, tallow and bone marrow from semi-domesticated reindeer (Rangifer tarandus tarandus L.) in Northern Norway Acta Veterinaria Scandinavica 2013, 55:57.
(2013) Hassan AA, Rylander C, Sandanger TM, Brustad M. Copper, Cobalt and Chromium in Meat, Liver, Tallow and Bone Marrow from Semi-domesticated Reindeer (Rangifer tarandustarandus L.) in Northern Norway. Food and Public Health 2013, 3(3): 154-160.
(Juli 2021) Hassan AA, Haugdahl Nøst T, Brustad M, Sandanger TM. Concentrations and geographical patterns of persistent organic pollutants (POPs) in meat from semi-domesticated reindeer (Rangifer tarandus tarandus L.) in Norway. Science of The Total Environment, Volume 798, 2021, https://doi.org/10.1016/j.scitotenv.2021.149278.
Bivnosdiedalasj bargo
Brustad M, Hassan AA, Sandanger TM. Mattrygghet i nord. I «Samiske tall forteller 6. Kommentert samisk statistikk 2013”, kapittel 6. Kautokeino: Samisk høgskole 2013 (ISBN 978-82-7367-033-5) s.123-137.
Hassan AEA, Sandanger TM, Brustad M: Rein som næringsmiddel for mennesker. I “Broderstad AR, Silviken A (redaktører). Korsen e det med helsa di? Gokte don leak rupmaha bearri?”. Tromsø: Senter for samisk helseforskning, ISM, Det helsevitenskapelige fakultet, UiT Norges arktiske universitet 2015 (ISBN 978-82-996789-1-9) 59 s.
Hassan AA, Sandanger TM, Brustad M. Reinkjøtt - en næringsrik og trygg delikatesse fra nord. Ottar 2015, Volum 306, s. 25-29. https://uit.no/Content/492962/ammar.pdf
Medijajn
Gejna guládallat
Prosjevta åvdås vásstet dutke Ammar E. Ali Hassan.
Tjuovvusa