Go SAMINOR iskkadeapmi álgá 2023 čavčča, de mii galgat iskat movt dáruiduhttin, historjjálaš traumat ja industriijahuksen váikkuha dearvvašvuhtii
News archive
23.02.2023:
20 miljovnna SAMINOR-iskkadeapmái
Jagi 2023 stádabušeahtas lea SAMINOR-iskkadeapmái juolluduvvon 20 miljovnna ruvnno. Dat mearkkaša ahte SAMINOR álggaheapmi lea sihkkarastojuvvon.
20 miljovnna SAMINOR-iskkadeapmái
Jagi 2023 stádabušeahtas lea SAMINOR-iskkadeapmái juolluduvvon 20 miljovnna ruvnno. Dat mearkkaša ahte SAMINOR álggaheapmi lea sihkkarastojuvvon.
Ráđđehusbellodagat ja Sosialisttalaš gurutbellodat leat iežaset bušeahttasoahpamušas juolludan 20 miljovnna ruvnno dearvvašvuođa- ja eallindilleiskkadeapmái SAMINOR 3. Oktan juolludemiid mii boahtá Helse Nordas sáhttá SAMINOR 3 álggahuvvot nu mo plánejuvvon 2023 čavčča.
SAMINOR iskkadeapmi álgá Trøndelágas 2023 čavčča ja čađahuvvo lagabui 50 suohkanis Trøndelágas, Nordlánddas, Tromssas ja Finnmárkkus. Sullii 80 000 olbmo gaskkal 40-79 jagi bovdejuvvojit searvat iskkadeapmái.
– Mii diehtit hui unnán sámi álbmoga birra, ja vel unnánit julev- ja lullisámiid birra. Dan dihte lea dehálaš ahte mii čađahit iskkadeami. Mii leat maid ovddit iskkademiid maŋŋel oaidnán ahte mis leat váilevaš dieđut earret eará vealaheami ja psyhkalaš váttuid birra, ja veagalváldima lagas olbmuid gaskka birra, dadjá Sámi dearvvašvuođadutkama guovddáža jođiheaddji Ann Raghild Broderstad.
Oallugat dorjot iskkadeami
Leat máŋggas geat dorjot SAMINOR iskkadeami. Diibmá čavčča čálle gávcci Davvi-Norgga suohkana sátnejođiheaddji reivve dearvvašvuođaministarii ovdalaš bušeahttakonferánssa. Reivves sii dorjot ahte iskkadeapmi galgá oažžut juolludemiid ja ahte dat lea ávkkálaš suohkaniidda.
Maiddai fylkalávdegoddi Trøndelága fylkkas čálii álbmotdearvvašvuođa gulaskuddancealkámušastis ahte lea dehálaš čađahit SAMINOR 3-iskkadeami.
Helse Nord lea ovdalaččas dorjon iskkadeami ja juolludan 17 miljovnna ruvnna čađaheapmái. Sámediggi lea maid čujuhan man dehálaš lea čađahit SAMINOR iskkadeami ja čalmmustahttán dárbbu eanet máhttui sámi álbmotdearvvašvuođa birra.
Lenke til nyhet
18.12.2020:
Ođđa doavttergrádabarggut Sámi dearvvašvuođadutkama guovddážis
Ođđa doavttergrádabarggut Sámi dearvvašvuođadutkama guovddážis
Váimmolaš lihkkusávaldagat min dutkái, Jon Petter Anders Stoor, gii ikte juovlamánu 17.beaivvi 2020 nákkáhalai ph.d.-grádii dearvvašvuođadiehtagis ja almmolaččat bealuštii iežas nákkosgirjji mas lea fáddá:
Sámi dearvvašvuođadutkama guovddáš lea rámis go Jon Petter joatká bargat min luhtte 20 % ámmáhis, ja mii illudit ovttasbarggu suinna.
Lenke til nyhet