Høst 2024

NOR-3135 Nordiskfaget og samfunnet - 10 stp

Ansvarlig enhet

Institutt for språk og kultur

Emnetype

Emnet kan takast som enkeltemne og er eit obligatorisk emne på master i nordisk språk og et valemne på lektor i språk og samfunnsfag for trinn 8-13, studieretning nordisk.

Innhold

Emnet tek opp den rolla nordiskfaget har for forvaltninga av norsk språkpolitikk og ivaretakinga av norsk som samfunnsberande språk i Noreg. Språkplanlegging og litteraturpolitikk blir tematisert og drøfta. Historiske, faghistoriske så vel som nåtidige perspektiv blir lagt til grunn, og også komparative nordiske perspektiv og samanlikningar med andre land er aktuelle.

Opptakskrav

Opptakskrav: bachelorgrad eller tilsvarende grad i nordisk språk og litteratur. Grada må ha ei fagleg fordjuping på minimum 80 studiepoeng i norsk språk og litteratur på morsmålsnivå, med 60 studiepoeng (stp.) på 1000-nivå og 20 stp. på 2000-nivå. Som eit unntak kan emne utanfor grada takast med som ein del av fordjupinga. Kontakt instituttet for nærare informasjon om dette.

Det er òg krav om gjennomsnittskarakter på C (2,5) eller betre. Karakteren blir berekna som eit vekta gjennomsnitt av alle emna som inngår i grunnlaget for opptak (bachelorgraden, 180 stp.). Emne med vurderingsuttrykk 'bestått' blir ikkje tatt med i utrekninga.

I merknadsfeltet må du oppgje emnekoden på emnet du ynskjer å søke opptak til.

Søknadskode 9371 - Enkeltemne på masternivå.

Hva lærer du

Etter greidd emne har studentane opppnådd følgjande læringsutbytte:

Kunnskaper

Studenten har:

utvida kunnskapar om den politiske språkhistoria i Noreg frå 1814 fram til i dag
kunnskapar om den faghistoriske utviklinga i nordiskfaget
innsikter i samspelet mellom politikk, forvaltning, skulefaget norsk og universitetsfaget nordisk
kunnskapar om det litterære system i Noreg, om litterær vurdering og om litteraturarbeidet i skulen
kunnskapar om litteraturformidling og korleis ein litterær kanon blir danna

Ferdigheter

Studenten kan:

gjere greie for kvifor nordiskfaget er sentralt for norsk skule og samfunnsliv
drøfte språkspørsmål i eit politisk perspektiv
diskutere rolla skjønnlitteraturen og sakprosaen spelar for utviklinga av nasjonalspråket
demonstrere kunnskap og evne til sjølvstendig fagleg drøfting

Undervisnings- og eksamensspråk

Undervisningsspråket er norsk og eventuelt andre skandinaviske språk. Undervisning på engelsk førekjem berre unntaksvis. Pensumlitteraturen vil vere på norsk, skandinaviske språk og/eller engelsk.

Undervisning

Emnet er samlingsbasert hausten 2024 (ca. 3 samlingar) og har eit omfang på omlag 26 undervisningstimar totalt i form av førelesingar og seminar med førebudde studentinnlegg. Veker utan undervising skal nyttast til sjølvstudium.

Kvalitetssikring av emnet:

Alle emne vert evaluerte ein gong i løpet av programperioden. Studieprogramleiar avgjer kva for emne som skal evaluerast av studentar og lærar kvart år.