VID-6088 Norsk 1 for 5-10 trinn, del 1: Språkdidaktikk - 15 stp

Emnet legg vekt på følgjande tre område:

Norsk i endring i skrift og tale

Basert på kunnskap om språkhistorie og dagens forhold ser vi på utvikling av mangfaldet i den norske språksituasjonen, og korleis norsk språk blir påverka av at samfunnet har blitt meir multikulturelt. Tema frå sosiolingvistikk og dialektologi vil vise at språk i bruk er språk i endring.

Skriving og tekst

Området omfattar utforsking og drøfting av skriving og tekst i ulike sjangrar, for ulike formål og i ulike fag. Respons i skriveprosessen og vurdering av tekst blir diskutert med utgangspunkt i elevtekstar og studentane sine eigne skriveprosessar. Samanhengen mellom munnlege og skriftlege prosessar blir vektlagt.

Kunnskap om og utforsking av språk

Området omfattar kunnskap om norsk som første- og andrespråk, om språket som system og språket i bruk, samt evne til å nytte denne kunnskapen i praksis. For å kunne diskutere tekstar, må studentane ha eit omgrepsapparat knytt til ulike sider av grammatikken og tekstgrammatikken.

01. mars på http://udir.no/videreutdanning (for stipend og vikar-ordning)

ca. 15.mai på http://uit.no/evuweb for restplass-søkere

Se https://uit.no/utdanning/videreutdanning/ilp for mer informasjon

• Fullført lærarutdanning, praktisk-pedagogisk utdanning eller anna pedagogisk utdanning som kvalifiserer for å undervise på 5-10 trinn.

Deltakarane må vere i et tilsettingsforhold på 5-10 trinn i grunnskolen som tillet at dei kan prøve ut pedagogiske opplegg i eigen klasse. UiT vil ikkje krevje dokumentasjon på tilsettingsforholdet, men dette er ein føresetnad for å kunne gjennomføre arbeidskrava.

Kunnskapar og forståing:

Studentane skal

• ha innsikt i korleis elevar med norsk som første- og andrespråk kan vidareutvikle grunnleggande språkferdigheiter og gode skrivestrategiar.
• ha innsikt i lese- og skrivevanskar, særleg knytt til fonologi og skriving.
• ha innsikt i språket si rolle som identitetsmarkør.
• ha innsikt i sidemålsdidaktikk.
• ha kunnskap om nyare norsk språkhistorie og gjeldande normering av nynorsk og bokmål.
• ha kunnskap om grammatikk, som system og reiskap for å analysere og vurdere elevtekstar.

​Ferdigheiter:

Studentane skal

• kunne bruke læreplanen i faget til å formulere mål for norskopplæringa og relevante kriterium for rettleiing og vurdering.
• kunne stimulere elevar til variert munnleg og skriftleg bruk av språket.
• kunne bruke relevante metodar og ny teknologi på måtar som fremjar samarbeid og fagleg progresjon i den vidare lese- og skriveopplæringa.
• kunne kartlegge og vurdere lese- og skriveferdigheiter og gi læringsfremjande respons til alle elevar.
• kunne skrive akademiske fagtekstar på nynorsk og leggje til rette for og gjennomføre undervisning på nynorsk.

Kompetanse:

Studentane skal

• kunne planlegge, grunngi, gjennomføre og vurdere opplæring i norsk i samsvar med læreplanen for grunnskolen og fagdidaktisk forsking.
• kjenne til fagdidaktisk forsking og utviklingsarbeid og kunne drøfte forskingsetiske problemstillingar.
• ha innsikt i norskfaget og fagets historie, og kunne reflektere kritisk og konstruktivt ut frå slike perspektiv på faget.

Emnet er samlingsbasert med inntil tre samlingar á inntil tre dagar. På samlingane vil undervisninga bli lagt opp rundt forelesingar, diskusjonar, obligatoriske munnlege framføringar og rettleiing knytt til obligatorisk arbeid. Mellom samlingane må studentane rekne med å bruke mykje tid til individuelt arbeid og til å delta i gruppearbeid, fysisk og/eller via nettet.

Gjennom heile emnet blir det lagt opp til at både fagleg kunnskap og forståing, språklege ferdigheiter og fagdidaktisk kompetanse blir utvikla gjennom utprøving i eigne klasserom. Erfaringane frå klasserommet blir tatt vidare i diskusjonar med faglærarar og medstudentar, og dannar grunnlag for delar av arbeidskrava og eksamenstekstane.

Eksamensdato er foreløpig og vil kunne bli endret. Endelig eksamensdato kunngjøres ved oppslag på det enkelte fakultet primo mai for vårsemesteret og primo november for høstsemesteret.