HIS-6300 Forskningsfordypning etter mastergrad - 10 stp

Emnet er et videreutdanningsemne på post master-nivå.

Målgruppa for studiet er alle som har fullført master i arkeologi, historie, religionsvitskap og teologi samt tilstøytane fag som russlandsstudiar, kunsthistorie, indigenous studies eller peace studies.

Emnet er relevant for alle som har fullført masterutdanninga og som ønskjer å publisere i vitskaplege tidsskrift og vurderer å søkje forskarutdanning (Ph.d).

Emnet gjev studentane kjennskap til korleis publisere i vitskaplege tidsskrift, til bokmeldingar, til utforming av forskingsprosjekt/ Ph.d.-søknad og til utarbeiding av abstrakt til artiklar/konferansar.

Gjennom praktisk øving får studentane trening i å gje og ta i mot tilbakemeldingar på vitskaplege artiklar, såkalla fagfellevurdering.

Med utgangspunkt i masteroppgåva skal studentane:

- arbeide fram eit abstrakt til artikkel/konferansepresentasjon.

- arbeide fram eit utkast til vitskapleg artikkel i eit vitskapleg tidsskrift på nivå 1 eller 2.

- arbeide fram eit utkast prosjektskisse til eit tenkt Ph.d.-prosjekt.

Mastergrad i arkeologi, historie, religionsvitskap, teologi, russlandsstudiar, kunsthistorie, indigenous studies eller peace studies med karakteren A eller B på masteroppgåva.

Fullført lektorutdanning for trinn 8-13 med historie eller religionsvitskap som fag 1 med karakteren A eller B på masteroppgåva.

Maksimum 12 deltakarar.

Om det er meir enn 12 kvalifiserte søkjarar til emnet gjerast opptak etter følgjande prioritering:

• Søkjarar med mastergrad i arkeologi, historie, religionsvitskap, teologi, russlandstudiar eller lektorutdanning for trinn 8-13 med historie eller religionsvitskap som fag 1. Dei med karakter A på masteroppgåva går framom dei med karakter B, jf vanlege opptaksreglar.
• Søkjarar med mastergrad kunsthistorie, indigenous studies eller peace studies. Dei med karakter A går framom dei med karakter B, jf vanlege opptaksreglar.

Om fleire søkjarar står likt blir opptak avgjort ved loddtrekning. 

Etter bestått emne skal studentene ha følgende læringsresultat:

Kunnskapar og forståing

Studenten har avanserte kunnskapar om vitskaplege publiseringsorgan, bokmeldingar, publiseringspraksis, skriveprosess og fagfellevurdering av artiklar og ph.d-søknader.

Ferdigheiter

Studenten kan skrive ein vitskapleg artikkel, ein forskingssøknad og har erfaring i å gi og ta i mot fagfellevurdering og til å førebu eit eige paper til ein fagleg konferanse.

Kompetanse

Studenten kan ordlegge seg klart, tydeleg og målfokusert, strukturere tankane sine og komme med kritisk tilbakemelding til andre sitt arbeid.

Undervisningsspråket er normalt norsk.

Eksamen på norsk, dansk, svensk eller engelsk, evt anna språk etter nærmare avtale. 

Studiet er organisert som eit deltidstudium over eitt semester.

Undervisninga skjer i form av:

• Seminar, normalt fire seminar á fire timar på ettermiddag- og kveldstid
• På nett, i Canvas, der studentane arbeider med tekstane omtalt under «fagleg innhald».
• Individuell rettleiing. Kvar student får eigen rettleiar/mentor. Normalt vil dette vere rettleiaren frå MA-oppgåva, evt andre med særleg kjennskap til fagfeltet/tematikken.

Studentane må rekne med å legge ned ein betydeleg innsats i å lese og kommentere andre sine tekstar samt skrive eigne tekstar.

Følgjande arbeidskrav må være gjennomført og godkjent før studenten kan framstille seg til eksamen:

• Deltaking på seminarsamlingar (minst 75 prosent)
• Godkjent utkast til eit abstrakt til artikkel/konferansepresentasjon basert på eiga MA-oppgåve
• Godkjent tilbakemelding av medstudentars abstrakt til artikkel/konferansepresentasjon
• Godkjent utkast til artikkel basert på eigen MA-oppgåve.
• Godkjent fagfellevurdering av medstudentars artikkelutkast
• Godkjent utkast til prosjektskisse til eit tenkt ph.d.-prosjekt
• Godkjent tilbakemelding av ei prosjektskisse til eit tenkt ph.d.-prosjekt

Eksamen er ei mappe med tre delar:

• abstrakt til artikkel/konferansepresentasjon basert på eiga MA-oppgåve (1 side)
• utkast til artikkel basert på eiga MA-oppgåve (15-20 sider)
• prosjektskisse til eit tenkt ph.d-prosjekt (5-10 sider)

Mappa må innehalde alle tre delane og alle tre delane må vere vurdert som greidd for at emnet skal vere bestått.

Eksamen vurderast med "Bestått" / "Ikke bestått".