Høst 2020

VID-6312 Matematikk lærerspesialist, del 3 - Læring og kartlegging i geometri, måling, statistikk og koding - 15 stp

Ansvarlig enhet

Institutt for lærerutdanning og pedagogikk

Emnetype

Vidareutdanning på masternivå retta mot lærarar i grunnskolen.

Emnet er ein del av lærarspesialistutdanninga i matematikk. Emnet kan ikkje takast som enkeltemne

Innhold

I matematikk er det heilt egne utfordringar innanfor kvart emne, knytt til korleis ein lærer og underviser. Dette emnet skal fokusere på læring og kartlegging i emna geometri, måling, statistikk og koding. Læring handlar forsking på korleis elevane lærer dei ulike emna. Fokus vil bli delt mellom elevar med stort lærings-potensiale, normal-elevar, og elevar med matematikkvanskar. Kartlegging vil handle om å bruke ulike verktøy for kartlegging og ta med kartleggingar frå eiga klasse til undervisninga.

Søknadsfrist

Søknadsfrist 01.03 på Utdanningsdirektoratets nettsider

Når man har fått godkjent søknaden av Utdanningsdirektoratet må man registrere seg på EVU-web innen midten av mai.

Opptakskrav

Fullført lærarutdanning eller tilsvarande utdanning som kvalifiserer til arbeid i grunnskolen.
Minst 60 studiepoeng i matematikk/matematikkdidaktikk.

Deltakarane må være i eit tilsettingsforhold i grunnskolen, som tillater at deltakaren kan prøve ut pedagogiske opplegg i eiga klasse. UiT vil ikkje kreve dokumentasjon på tilsettingsforholdet, men dette er ein forutsetning for at studentane kan gjennomføre sine arbeidskrav.

Hva lærer du

Etter bestått emne har studentane følgjande læringsutbytte:

Kunnskap: Studenten har kunnskap om:

matematisk kompetanse
summativ og formativ vurdering
ulike kartleggingsverktøy
forsking på elevar si læring innanfor
geometri
måling
statistikk
koding

Ferdigheter: Studenten kan:

undervise på ulike måtar for å oppnå ulike kompetansar
gjennomføre målretta kartlegging av ulike kompetansar og av ulike matematiske tema
bruke ulike typar undervisning (formativ, samtaletrekk, normer) i eiga undervisning

Kompetanse

kunne rettleie kollegaer innanfor undervisning i geometri, måling, statistikk og koding på sitt trinn (barnetrinn, mellomtrinn, eller ungdomstrinn)
kunne utvikle og systematisere kartlegging i eiga klasse og på eige trinn, med fokus på ulike kompetansar og ulike matematiske tema

Undervisnings- og eksamensspråk

Norsk

Undervisning

Emnet er samlingsbasert. Undervisninga blir ei blanding av forelesingar, gruppearbeid med refleksjonar rundt pensum, og rapportering frå utprøving i eiga klasse.

Emnet evalueres muntlig eller skriftlig etter første gjennomføring, og minimum en gang hvert tredje år.

Eksamen

Arbeidskrav:

Følgande arbeidskrav må være gjennomført og godkjent før ein kan ta eksamen:

70 % deltaking på undervisning
Vise fram kartlegging av eigne elevar med fokus på ulike kompetansar og ulike matematiske tema
Rapportere frå rettleiing av kollegaer innanfor formativ vurdering, undervisning i tal og algebra, og kartlegging

Eksamen består av: Presentasjon av

plan for læring innanfor eit tema (av geometri, måling, statistikk, koding) på eige trinn (barnetrinn, mellomtrinn, ungdomstrinn), inkludert plan for kartlegging.
rapport frå gjennomført rettleiing av kollegaer innanfor undervisning og kartlegging av eit anna tema (av geometri, måling, statistikk, koding, men ikkje det same som i pkt over)

Presentasjonen skal være for med-studentar, med korte oppfølgingsspørsmål. Individuell presentasjon på 20 minutt eller presentasjon i par på 30 minutt.

Eksamen vert vurdert med bokstavkarakter A-F, der F er ikkje bestått.

Ved karakter F/ikkje bestått eller gyldig forfall får ein tilbod om kontinuasjonseksamen påfølgande semester. Frist for å melde seg til kontinuasjonseksamen er 15. januar for eksamen i haustsemesteret og 15. august for eksamen i vårsemesteret.

Dato for eksamen

Muntlig 10.12.2020

Eksamensdato er foreløpig og vil kunne bli endret. Endelig eksamensdato kunngjøres ved oppslag på det enkelte fakultet primo mai for vårsemesteret og primo november for høstsemesteret.