vår 2018
SYP-3005 Fagfordypning i infeksjonssykepleie, del 1 - 20 stp

Emnetype

Emnet inngår i Mastergradsprogrammet i sjukepleie, fagfordjuping i infeksjonssjukepleie, og kan ikkje takast som enkeltemne.

Opptakskrav

Emnet inngår i Mastergradsprogrammet i sjukepleie, fagfordjuping i infeksjonssjukepleie, og kan ikkje takast som enkeltemne.

Innhold

Emnet er delt i to hovudtema; medisinske og naturvitskaplege tema og sjukepleiefaglege tema. Samfunnsfaglege tema blir og tatt opp. Medisinske og naturvitskapelege tema: Studiet vil gi ei brei innføring i patofysiologiske prosessar, undersøkingar og behandling og utfordringar knytte til infeksjonssjukdommar. Medisinsk mikrobiologi vil ha ein sentral plass i emnet der det blir lagt vekt på diagnostikk og sjukepleiaren si rolle i dette arbeidet. Antibiotikabruk og mekanismar for resistensutvikling og førekomst og utbreiing av resistente mikrobar vil bli grundig belyst. Emnet vil gi ei innføring i immunologi og vaksinologi. Smittevern og hygiene med fokus på smitteførebygging og smitteavgrensande tiltak vil bli grundig belyst. Sjukepleiefaglege tema: vil fokusere på den konkrete pasientsentrerte sjukepleien til den akutt sjuke eller kronisk sjuke infeksjonspasienten. Emnet fører vidare sjukepleie som fagleg og etisk praksis, slik det er tematisert i SYP 3001. Emnet vil fokusere på korleis pasientar og pårørande kan oppleve infeksjonssjukdom og smittsam sjukdom. Global utbreiing av infeksjonssjukdommar medfører at mange pasientar kjem frå andre kulturar og har eit anna språk enn det norske. Det vil bli lagt vekt på kulturaspektet. Smitte har til alle tider vore omfatta av stigma. Forståing for dette er vesentleg i sjukepleien. Emnet vil gi ei grundig innføring i hygiene som ein sentral del av sjukepleien sin fagtradisjon. Hygiene, slik det har blitt forstått og praktisert i sjukepleien både historisk og i dag. Samfunnsfaglege tema. Emnet vil gi ei oversikt over infeksjonssjukdommane sin epidemiologi, nasjonalt og globalt. Det blir gitt innføring i lovverket som regulerer pleie og behandling av pasientar med smittsame sjukdommar. Tema som smittevern og smitteoppsporing blir drøftet.

Hva lærer du

Studenten skal etter bestått emne: Kunnskap -    Ha brei generell kunnskap om patofysiologiske prosessar som framkallar dei vanlegaste infeksjonssjukdommane. -    Ha spesialisert/inngående kunnskap om symptom, diagnostikk og behandling av dei vanlegaste infeksjonssjukdommane, både akutte og kroniske. -    Ha inngåande kunnskap om medisinsk mikrobiologi og mikrobiologisk diagnostikk, under dette antibiotikabruk, resistensproblematikk og infeksjonsorvervaking. -    Ha inngåande kunnskap om kroppen sitt immunforsvar og forståing for faktorar som verkar på utvikling av infeksjonssjukdom. -    Ha kunnskap om førekomst av infeksjonssjukdommar og utbreiing nasjonalt og internasjonalt og globalt -     Ferdigheit -    Kunne nytte kunnskapen ovanfor i observasjon, overvaking og behandling av pasienten og i sjølvstendig bedømming og prioritering i akutte situasjonar, for å handle raskt og forsvarleg innanfor eige kompetanse - og funksjonsområde. -    Kunne praktisere kunnskap om smitteoppsporing i eigen klinisk praksis. -    Kunne formidle faglege vurderingar munnleg og skriftleg, og delta i avgjerdsprosessar. -    Kunne argumentere etisk når det gjeld pasientbehandling og pleie

Kompetanse -    Kunne begrunne og drøfte sjukepleien til pasientar med infeksjonssjukdom og pårørande gjennom det kliniske forløpet. -    Kunne vurdere og sjølvstendig sette i verk relevante smitteverntiltak knytt til pasientpleien, og rettleie kolleger i dette, med innsikt i pasientar og pårørande sine opplevingar og erfaringer med å ha smittsam sjukdom. . -    Ha forståing for sjukepleien sin fagtradisjon innan hygiene som kjelde til perspektiv og kunnskap. -    Ha inngåande kunnskap om korleis kultur og religion kan påverke oppleving av infeksjonssjukdom.Med basis i denne innsikta kunne legge til rette for sjukepleie til pasientar med ulike kulturelle bakgrunnar og språk.


Undervisnings- og eksamensspråk

Norsk

Undervisning

Førelesingar og lærarstyrte seminar, kliniske seminar, arbeid med pasientcase individuelt og i grupper, ferdigheitstrening i simulator, litteraturseminar, sjølvstudium.

Eksamen

Arbeidskrav:

  • Seminar

Deltaking og opposisjon ved to kliniske seminar. Seminaret blir vurdert til godkjent/ikkje godkjent.

  • Kunnskapstest

Gjennomført ein kunnskapstest i naturvitskapelege emne. Testen blir vurdert til godkjent/ikkje godkjent.

  • Praktiske ferdigheter:

Studenten skal gjennomføre og oppfylle kvalitetskrava til DHLR- utøvarkurs (Norsk Resusitasjonsråd)

  • Pasientmottak i simulator: studenten skal ta del i minst eitt pasientmottak i simulatorsenter.

Eksamen: Individuell skriftleg heimeeksamen ut frå sjølvvald tema. Dersom oppgåva bli vurdert til bestått, vil det bli arrangert ein munnleg eksaminasjon. Endeleg karakter, vurderingsuttrykk A - F, blir sett etter munnleg eksamen.

Ved ikkje bestått til ordinær eksamen blir det arrangert kontinuasjonseksamen. Kontinuasjonseksamen blir arrangert slik at det ikkje er til hinder for studieprogresjonen til den enkelte studenten.


Pensum

Pensum er på 1000 sider.  

Error rendering component

  • Om emnet
  • Studiested: Tromsø |
  • Studiepoeng: 20
  • Emnekode: SYP-3005
  • Tidligere år og semester for dette emnet