Blomstringsvarsel

Tromsø arktisk-alpine botaniske hage står i full blomst. Gå ikke glipp av disse som blomstrer akkurat nå.

 

Eryngium alpinum Foto: Arve Elvebakk, UM.

1.    Den rare skjermplanten alpestikle (Eryngium alpinum) lengst S i Alpesamlinga. ‘Skjermen’ er den mørke knappen i midten. Dei blå utanom blomstrane er høgblad som hos julestjerne.

2.    Høgstaudane i Tradisjonsplantesamlinga er på topp no. Her er det mykje av ein annan rar skjermplante, stjerneskjerm (Astrantia major), 3 m høge mjødurtartar og mange fleire.

3.    Soleiefamilien NV for Dammen. Takka vere husdyrgjødsel er riddarsporane (Delphinium spp.) no over 3 m høge, og gangtunnellen mellom dei er imponerande.

4.    Verdas største søtesamling. No dominerer den kinesiske Gentiana hexaphylla.

5.    Korgplanteslekta nikkekrager (Cremanthodium). Også her har vi truleg verdas største samling - i Himalaya-landskapet. Dei toler ikkje varmt sommarklima og er perfekte hageplantar hos oss. Dei fleste er gule med nikkande korger.

6.    Enno blomstring hos den pyreneiske langbladsildra (Saxifraga longifolia) i Saxifraga-veggen.

7.    Den sitrongule eittåringe tøffelblomsteren Calceolaria mexicana lengst ned i Sør-Amerika.

 

Følg med på vekas Facebook-video lagt ut av Martin Hajman på: https://www.facebook.com/tromso.arktisk.alpine.botaniske.hage/

 

Last ned blomstringsvarsel som word-fil her:

Blomstringsvarsel 1 - 2020

Blomstringsvarsel 2 - 2020

Blomstringsvarsel 3 - 2020

Blomstringsvarsel 4 - 2020