News archive

Sámi leksikográfalaš guovddáš lea ožžon eanet bargiid, ja mii lágideimmet oktasaš bargobáji mii bisttii olles vahku.

Sámi leksikográfalaš guovddážii leat boahtán eanet bargit ja dan oktavuođas lei áigeguovdil oahppat eanet ovttagielalaš sátnegirjjiid birra. Bargobádji lágiduvvui UiT:s 28.09.–02.10.2026, ja guovddáža buot ođđa bargit ja maiddái fágabirrasii gullevaččat deaivvadedje vuosttaš geardde. Klara Sjo lei boahtán Bergena universitehtas muitalit sin leksikográfalaš bargovugiid, rutiinnaid ja vásáhusaid birra. Mii ságastalaimet eamiálbmotgielaid ovttagielalaš sátnegirjebarggu hástalusaid birra, ja oahpaimet geavahit bargolavtta ja teknihkalaš veahkkereaidduid. Mii ságastalaimet mo livččii vejolaš buoridit bargolavtta ja dahkat dan beaktileabbon, ja ásaheimmet bargorutiinnaid ja fásta čoahkkináiggiid. Mii leat álgán bargat davvisámegillii ja čálligođiimet sátnegirjeartihkkaliid. Čuovvovaš bargobádji lágiduvvo juovlamánus.