Få utskriftsvennlig versjon ved å trykke på denne

Searvva Sámesymposiai Romssas 2.-3.2.2016

UiT Norgga árktalaš universitehta, Sámi allaskuvla ja Oulu universitehta Giellagas-instituhtta bovdejit buot sámegiela ja sámi girjjálašvuođa dutkiid ja studeanttaid searvat symposiai, mii lágiduvvo UiT Norgga árktalaš universitehtas Romssas 2.–3.2.2016


Berit Merete Nystad Eskonsipo 14.10.2015 08:44   (Sist oppdatert: 14.10.2015 09:03)

Oktasaš sámesymposiat leat lágiduvvon jagi 1993 rájes, ja daid ulbmilin leamaš álggu rájes čohkket sámegiela ja sámi girjjálašvuođa dutkiid ja doavttirgráda- ja masterstudeanttaid iešguđege guovlluin.

Hanna Outakoski ja Veli-Pekka Lehtola leaba symposia bovdejuvvon logaldallit.

Jus háliidat ovdanbuktit dutkamušat symposias, de galggat sáddet eanemustá ovttasiidosaš čoahkkáigeasu maŋimustá skábmamánu 11. beaivve 2015 čujuhussii samesymposia2016@list.uit.no. Sáhkavuoruid guhkkodat lea 20 minuhta + 10 minuhta ságastallamii.

Dieđihanáigemearri symposiai lea 1.12.2015 jus siđat hoteallalanja, ja 12.1.2016 jus it siđa hoteallalanja.

Symposia bargogielat leat buot sámegielat. Bures boahtin!

Eanet dieđut symposia, dieđiheami ja prográmma birra leat symposia neahttasiiddus http://site.uit.no/samesymposia/.