Utdanningssamarbeid med Polen - digitalt partnarsøk

Ved hjelp av finansiering frå EØS-midlane kan norske skular, vidaregåande og yrkesfaglege skular, fagskular, høgre utdanningsinstitusjonar og andre relevante organisasjonar etablere utdanningssamarbeid med partnarar frå ei rekke land i sentral-Europa. Polen er det største landet med totalt over 20 millionar euro til utdanningssamarbeid. Andre og siste utlysing blir lagt ut tidleg 2021.

 

Ryseth, Elin Margrethe
Publisert: 23.11.20 15:52 Oppdatert: 26.11.20 08:31

Den kommande utlysinga skal bidra til auka kvalitet og arbeidsrelevans i polsk utdanning gjennom mobilitet- og samarbeidsprosjekt mellom polske og norske partnarar og er open for alle utdanningsnivå. Stikkord for utlysinga er inkluderande undervisning, styring & utd.leiing, kvalitetskultur og internkontroll, utvikling av karriererettleing og barnevernsutdanning. Dette er tema vi tenkjer kan gi stort fagleg utbytte og for norske partnarar.

Les meir om den først utlysinga frå Polen her https://education.org.pl/en/nabory_kategoria_en/1st-call/.  Det er venta at den kommande utlysinga blir tilsvarande den første, men mindre justeringar kan forekomme. 

Alle som er interessert i norsk-polsk utdanningssamarbeid vert difor alt no invitert inn på den digitale plattformen, Trello, https://trello.com/b/fVtU4a0L/bilateral-workshop-education-main-board (hugs å registrere deg første gangen) for å kommunisere med andre potensielle partnarar om potensielle prosjektidear. Formålet er å legge til rette for at norske og polske skular og institusjonar som er interessert i å etablere ei samarbeid og søke om midlar til dette kan finne ein eller fleire relevante samarbeidspartnarar. 

Her vil det og bli arrangert digitale kontaktseminar der deltakarane kan få rettleiing frå både polske og norske «instruktørar». Det første går av stabelen allereie 24.-26. november (12-15.30) og vil vere open for alle utdanningsnivå, men det vil bli arrangert fleire og alle som er registret i Trello vil bli oppdatert på planlagte aktivitetar framover. 

Vi oppfordrar og til å tenkje at eit samarbeid kan involvere deltakarar frå ulike utdanningsnivå og på tvers av fag. Har de allereie eit Erasmus-prosjekt så kan det vere mogleg å bygge på dette. 

I tillegg til Polen så er det planlagt utlysningar frå Tsjekkia, Romania, Slovenia, Slovakia, Kroatia m.fl. Samtlege utlysningar vert publisert på våre nettsider og formidla til relevante norske potensielle partnarar fortløpande.

Les meir om EØS-midlane her: https://diku.no/ressurser-og-verktoey/europeisk-utdanningssamarbeid-eoes-midlane.

Ved spørmål knytt til samarbeid med Polen eller EØS-midlene generelt kan det tas kontakt med senior rådgiver Margunn Instefjord i Diku - Direktoratet for internasjonalisering og kvalitetsutvikling i høyere utdanning, tlf 924 16 722/epost margunn.instefjord@diku.no

 

Ryseth, Elin Margrethe
Publisert: 23.11.20 15:52 Oppdatert: 26.11.20 08:31
Vi anbefaler