Fála artihkkala Sámi dieđalaš áigečállagii!
Sámi dieđalaš áigečála lea sámegiel máŋggafágalaš dieđalaš áigečála mii almmuha dieđalaš artihkkaliid, girjeárvvoštallamiid ja doavttirlogaldallamiid sámi servodaga, kultuvrra, giela, historjjá ja eará sámi ja eamiálbmogiid guoski fáttáid birra. 2015 rájes almmuhit maiddái fágalaš muitosániid.
Sámi dieđalaš áigečállaga doaimmahusgoddi bovde čálliid sáddet dieđalaš artihkkaliid ja eará namuhuvvon čállosiid Sámi dieđalaš áigečállagii. Boahtte nummara sisasáddema áigemearri lea borgemánu 31. b. 2015.
Muittuhit ahte dieđalaš artihkkaliid ja eará namuhuvvon čállosiid sáhttá sáddet sisa miehtá jagi.
Artihkkalat galget čállot man nu sámegillii ja hábmejuvvot dárkilit Sámi dieđalaš áigečállaga čállinrávvagiid mielde. Artihkkalat sáddejuvvojit doaimmahusčállái.
Loga eanet SDÁ ruovttosiiddus: http://site.uit.no/aigecala/sda-birra/
