Dagfinn Høybråten johtaa kommisjuunii mikä tutkii norjalaistamispolitikkii ja vääryyksii mitä tehthiin saamelaissii, kväänii ja norjansuomalaissii kohthaan. Kommisjuunissa oon 11 muuta faakiihmistä. Nämät oon Isotinka valinu.

Tutkimuksen mooli oon laittaat pohjan sille ette hyväksythään saamelaisten ja kvääniin/norjansuomalaisten kokemukset norjalaisten esivaltoin politikista, ja näitten kokemusten konsekvensit heile joukkoina ja indiviidina.

Mandaatti kuvvailee kolme tehtäävää minkä kommisjuuni häyttyy vieä läpi:

1. Laittaat histuuriilisen ylinäkymän mikä kuvvailee norjalaisten esivaltoin politikkii ja tointa saamelaissii ja kväänii/norjansuomalaissii kohthaan sekä paikalisesti, regiunaalisesti ja nasjunaalisesti.
2. Tutkiit norjalaistamispolitikin vaikutuksii. Kommisjuuni kattoo kuinka norjalaistamispolitikki oon vaikuttannu majuriteettiväjen näkemyksheen saamelaisista, kvääniistä/norjansuomalaisista. Se kans tutkii norjalaistamispolitikin merkitystä kiini tähän päivhään saakka.
3. Ehottaat toimii jokka eesautethaan jatkuuvaa sovinttoo.

Kommisjuuni tekkee tämän työn valmhiiksi 1. septemperikuuta 2022 sisälä, ja anttaa raportin Isotingan presidenttijoukole.

Tottuuen ja sovinon kommisjuunin sekretariaatin paikka oon Tromssan universiteetissa (UiT Norges arktiske universitet).

Kaikki arransjementit

Jaa sinun histuuriin

Kriisi- ja apupraatit

Viimi uutiset

---

---