Visuála profijlla

Duohtavuohta- ja såbadimkommisjåvnnå galggá guoradallat vierredagojt sámij, guojnaj ja vuonasuobmelattjaj vuosstij. Dá álmmuga duodjuhi ednagav. Logo la arvusmahtedum snjissjkomminsstaris mij la anon sáme ja guojna duojen. Dát minstar gávnnu lijnijn, snjissjkomijn, oarjjelsáme ornamentihkan, guojnagárvoj hámen, biesseduojen ja gådominstarijn degu Porsáŋgofáhttsa. Kommisjåvnå visuála profijlla la arvusmahteduvvam giehtabarggodábijs oarjját nuortas.

Designoase:

Snjissjkomminstar gåvvit aktij váhtsaduvvam aktijvuodav. Minsstara linja åvdedi álmmugijt ma galggi såbaduvvat. Dá li aktij bárggelduvvam, vájku dal makkir álmmugij gullu jali gåsstå boadá.

Logo:

Kommisjåvnå logo la viettjadum snjissjkoma duogásjbieles. Suojvvanisá snjissjkomis ja goavke minsstarin visualiseriji subttsasijt vierredagoj birra ma dálla galggi bihkusit. Ájnegis ulmutjij subttsasa ja histåvrålasj kárttim la kommisjåvnå bargo vuodo.

Bájno:

Oajvvebájnno la luondos viettjadum, luonndo l læhkám ájnas sámijda, guojnajda ja vuonasuobmelattjajda. Sihttsem la arvusmahttem ja kommisjåvnå bájnno la viettjadum sváhpa guobbaris. Sváhppa vaddá tjuovggissáhppis bájnov gå degu hullov sihttsá. Tjuovggissáhppis la buorádusbájnno ja dat subtsas mij galggá boahtet. Rávvisbieddjis bájno li arvusmahtedum histåvrålasj gåvåjs dárojduhttemájges.

    Postadresse

  • Sannhets- og forsoningskommisjonen
  • Handelshøgskolen
  • Postboks 6050 Langnes
  • 9037 Tromsø