Kommisjåvnå ájrrasa
Jådediddje
Nesodden
Nesodden
Dagfinn Høybråten la Kirkens Nødhjelp oajvvetjálle. Høybråten la guhkijt barggam politihkajn ja háldadusájn, sihke stuorradikkeájrrasin, barggo- ja sosialminisstarin, varresvuodaminisstarin ja Rikstrygdeverket direktørran. Sån la åvddåla jådedam Risstalasj Álmmukbelludagáv ja la læhkám Nuorttarijkaj minisstarráde oajvvetjállen.
Professor
Tråmsså
Tråmsså
Ivar Bjørklund la kulturdiehtaga professor Vuona arktalasj universitiehttadávvervuorkán. Sån la sosialantropologa ja la ålggobargov dahkam Nuorttaalle-Ruossjan ja Nuorttalij-Vuonan. Suv oajvveberustibme la læhkám tjerdalasj aktijvuoda sámij, dáttjaj ja guojnaj gaskan ja læstadiána gåhttsåma oabllom. Dálla barggá sáme ællobargujn pastorála hiebadimhábmen ja gåktu dat la Vuonarijka nasjonalstáhttaj integreriduvvam økonomalattjat ja politihkalattjat.
Stipendiáhtta
Kolvereid
Kolvereid
Håkon Hermanstrand la oarjjelsáme histåvrå PhD-stipendiáhtta Nuortta Universitiehtan, Levanger. Sån la åvddåla barggam oarjjelsáme histåvråjn Raajrevihke (Røyrvik) suohkana, Nuortta-Trøndelága allaskåvlå ja Saemien Sïjte åvdås.
Biskoahppa emeritus
Tråmsså
Tråmsså
Per Oskar Kjølaas la biskoahppa emeritus. Sujna li læhkám moadda ámmáda ja dahkamusá Vuona girkkon ja læhkám Guovddagæjno ja Kárásjågå suohkanbáhppan ja Sis-Finnmárko pråvsståguovlo pråvsstå. Nuorttasáme rámátjårggålimen la sån læhkám teologalasj konsulænnta ja prosjæktajådediddje desik biskoahppan sjattaj.
Professor
Oslo
Oslo
Pia Lane la moattegielakvuoda professor Senter for flerspråklighet, Universitetet i Oslo. Sån la dutkam giellapolitihkav, moattegielakvuodav, giellamålssomav ja gielalasj ælládahttemav, sierraláhkáj ietjas sijddabájken Pykeijä (Bugøynes).
Seniorrádevadde
Hábmer
Hábmer
Anne Kristin Gurák la Árran – julevsáme guovdásj / lulesamisk senter seniorrádevadde. Sån la måttijt jagij tjadá berustam ednagav dokumenterit ja gaskostit låsså subttsasijt ma ælla almulattjat subtsastaláduvvam. Sån la oassálasstám ABM- utvikling / Norsk kulturråd BRUDD- prosjæktaj man ulmme lij dagástallamav åttjudit tabu-, rádje- ja rijddoássjij birra. Sån la Jasska/Trygg stivrrimjuohkusa ájras - prosjækta mij galggá tjuovvolit Divtasvuona råhtsåtjimássjijt. Suv kultuvrra ja profesjåvnnå masterbarggo UiT Vuona arktalasj universitiehtas sisadná dárojduhttemav ja dan vájkkudusá aktijvuodajda bihtámsáme guovlon.
Dutke
Tråmsså
Tråmsså
Marit Myrvoll la dutke Sáme nasjåvnålasj máhttodievnastusán psykalasj varresvuodasuoddjim ja gárevselgasujtto (SÁNAG/SANKS), Sámi Klinihkka, Finnmarkssykehuset HF. Sån la sosialantropolåvggå (PhD) ja la barggam kultuvra, identitiehta ja sebrudagá perspektijvaj, duodden kulturmujtoj kulturhiståvrå ja åsko háldadimen. Myrvoll la åvddåla barggam vuodoskåvlån, Sámedikken, Rijkkaantikváran, dávvervuorkkájådediddjen ja dutken.
Professor emeritus
Vadsø
Vadsø
Einar Niemi la 2013 rájes læhkám UiT Vuona arktalasj universitehta professor emeritus. Sån la låhkåm Oslo universitiehtan, læhkám lektor joarkkaskåvlån, Finnmárko fylkkakonserváhtur ja histåvrå amanuenssa ja professor UiT:an. Sån la barggam duola degu unneplåhkopolitihkajn, tjerdalasjvuodajn, guovllo- ja bájkkehiståvråjn ja dutkamhiståvråjn.
Professor
Oslo
Oslo
Anne Julie Semb la stáhtadiehtaga professor ja dálla instituhttajådediddje Oslo universitiehta
Institutt for statsvitenskap. Semba dutkamberustime li duola degu rijdo stáhtaj ja juohkusij gaskan, iesjmierredime ráddjima, stáhtaviesátvuohta, viesátguojmmevuohta dan vuolen álggoálmmugij ja unneplågoálmmugij viesátguojmmevuohta, ja almasjrievtesvuoda.
Allaskåvllålektor
Guovddagæjnno
Guovddagæjnno
Liv Inger Somby la Sáme allaskåvlå allaskåvllålektor ja åhpat journalistihkav, álggoálmmukjournalistihkav ja sámegielav. Somby la måttijt lågijt jagijt barggam ådåsjournalisstan, dokumentárrajournalisstan, redaktørran ja prosjæktajådediddjen. Sån la barggam sihke Vuonan, Svierigin, Suoman ja Ruossjan. Somby la stuorra prosjevtav tjadádam, tjoahkkim ájnas tabuássjijt vuorrasap sáme nissunij iellemhiståvråj baktu. Gietja jahkásattjan internáhttaskåvllåj biejaduváj.
Professor emeritus
Oslo
Oslo
Aslak Syse la Oslo universitiehta jussa professor, emeritus 2016 rájes. Syse lij jagijt 1971-1991 dåktår Finnmárkon, ja lij Helsevernet for psykisk utviklingshemmede badjedåktår. Jådedam la Dásseárvvo- ja badjelgæhttjamnammadusáv ja Institutt for offentlig rett. 2013 rájes la Vuonarijkav åvdåstam Europaráde Commission against Racism and Intolerance.
Vuostasjamanuænssa
Tråmsså
Tråmsså
Ketil Zachariassen la UiT Vuona arktalasj universitehta Institutt for arkeologi, historie, religionsvitenskap og teologi vuostasjamanuænssa sierralágásj åvdåsvásstádusájn álggoálmmuk- ja unneplåhkohiståvrås. Zachariassen la ietjas dutkamin barggam vijddát ådåájggásasj sáme, guojna ja nuorttalijvuona histåvrås.