Kommišuvnna miellahtut

Ovddageahčen gurut bealde: Anne Julie Semb, Pia Lane, Anne Kalstad Mikkelsen, Dagfinn Høybråten, Marit Myrvoll, Liv Inger Somby. Maŋágeahčen gurut bealde: Ketil Zachariassen, Aslak Syse, Ivar Bjørklund, Einar Niemi, Per Oskar Kjølaas, Håkon Hermanstrand. Govva: David Jensen/UiT Norges arktiske universitet
Dagfinn Høybråten
Jođiheaddji
Nesodden

Dagfinn Høybråten lea Kirkenes Nødhjelp generálačálli. Høybråtenis lea guhkes politihkalaš ja hálddahuslaš hárjáneapmi, sihke stuoradiggeáirrasin, bargo- ja sosiálaministtarin, dearvvašvuođaministtarin ja Riikkaoadjodoaimmahaga direktevran. Son lea Risttalaš Álbmotbellodaga ovddeš jođiheaddji ja lea leamaš Davviriikkalaš ministtarráđi generálačállin.


Ivar Bjørklund
Professor
Romsa
Ivar Bjørklund lea kulturdiehtaga professor Norgga árktalaš universitehtamuseas. Son lea sosiálaantropologa ja lea čađahan fealtabarggu Davvioarje-Ruoššas ja Davvi-Norggas. Su váldoberoštupmi lea leamaš čearddaidgaskasaš oktavuođat sápmelaččaid, dáččaid ja kvenaid gaskka, ja lestadiánalaš lihkadusa ovdáneapmi. Dál son bargá sámi boazodoaluin pastorála heivehanvuohkin ja dan ekonomalaš ja politihkalaš integrašuvnnain Norgga nationálastáhtas.

Håkon Hermanstrand
Stipendiáhtta
Kolvereid
Håkon Hermanstrand lea PhD-stipendiáhtta lullisámi historjjás Davvi Universitehtas, Levangeris. Son lea ovdal bargan lullisámi historjjáin Raarvihke Tjïeltes, Davvi-Trøndelága allaskuvllas ja Saemien Sïjtes.

Per Oskar Kjølaas
Bisma emeritus
Romsa
Ivar Bjørklund lea kulturdiehtaga professor Norgga árktalaš universitehtamuseas. Son lea sosiálaantropologa ja lea čađahan fealtabarggu Davvioarje-Ruoššas ja Davvi-Norggas. Su váldoberoštupmi lea leamaš čearddaidgaskasaš oktavuođat sápmelaččaid, dáččaid ja kvenaid gaskka, ja lestadiánalaš lihkadusa ovdáneapmi. Dál son bargá sámi boazodoaluin pastorála heivehanvuohkin ja dan ekonomalaš ja politihkalaš integrašuvnnain Norgga nationálastáhtas.

Pia Lane
Professor
Oslo
Pia Lane lea máŋggagielatvuođa professor Máŋggagielatvuođa guovddážis, Oslo universitehtas. Son lea dutkan giellapolitihka, máŋggagielatvuođa, giellamolsuma ja gielalaš ealáskahttima davviguovlluin, erenoamážit iežas ruovttubáikkis Buođggáin.

Anne Kalstad Mikkelsen
Seniorráđđeaddi
Hápmir
Anne Kalstad Mikkelsen lea seniorráđđeaddi Árran juleváme guovdásjis. Son lea olu jagiid áŋgiruššan dokumenteret ja gaskkustit unohis ja muitalkeahtes muitalusaid servodagas. Son lea oassálastán ABM- utvikling / Norgga kulturráđi BRUDD- prošeavttas gos ulbmilin lei oččodit digaštallama tabuvuđot, marginála ja kontroversiealla fáttáid birra. Son lea miellahttu Jasska/Trygg stivrenjoavkkus – mii lea Divttasvuona rohcošanáššiid čuovvolanprošeakta. Su masterbargu kultuvrras ja profešuvnnas UiT Norgga árktalaš universitehtas gieđahallá dáruiduhttima ja oktavuođaid váikkuhusaid bihtánsámi guovllus.

Marit Myrvoll
Museajođiheaddji
Evenášši
Marit Myrvoll lea museajođiheaddji Várdobáikki Sámi Museas. Son lea sosiálaantropologa (PhD) ja lea bargan kultuvrra, identitehta ja servodaga perspektiivvaiguin, ja kulturmuittuid, kulturhistorjjá ja oskkolaš jáhkuid hálddašemiin. Myrvoll lea ovdal bargan vuođđoskuvllas, Sámedikkis, Riikkaantikváras ja maiddái dutkin.

Einar Niemi
Professor emeritus
Čáhcesuolu
Einar Niemi lea 2013 rájes leamaš professor emeritus UiT Norgga árktalaš universitehtas. Son lea váldán oahpu Oslo universitehtas ja lea leamaš lektor gymnásas, fylkkakonserváhtor Finnmárkkus ja amanueansa ja professor historjjás UiT:s. Son lea earret eará bargan minoritehtapolitihkain, čearddalašvuođain, region- ja báikkálaš historjjáin ja dutkanhistorjjáin.

Anne Julie Semb
Professor
Oslo
Anne Julie Semb stáhtadiehtaga professor ja bargá dál instituhttajođiheaddjin Stáhtadiehtaga instituhtas Oslo universitehtas. Semb dutkanberoštumit leat earret eará stáhta ja joavkkuid gaskasaš riiddut, suverenitehtaráddjejumit, stáhtaboargárvuohta, mielboargárvuohta, maiddái eamiálbmogiid ja minoritehtaid mielboargárvuohta, ja olmmošvuoigatvuođat.

Liv Inger Somby
Allaskuvlalektor
Guovdageaidnu
Liv Inger Somby lea allaskuvlalektor ja oahpaha journalistihka, eamiálbmotjournalistihka ja sámegiela Sámi allaskuvllas Guovdageainnus. Somby lea máŋgalot jagi bargan ođasjournalistan, dokumentárajournalistan, doaimmaheaddjin ja prošeaktajođiheaddjin. Son lea bargan sihke Norggas, Ruoŧas, Suomas ja Ruoššas. Somby lea čađahan stuora prošeavtta mas lea čohkken vuoras sámi nissonolbmuid dehálaš ja tabuvuđot eallinhistorjjáid. Čieža-jahkásažžan sáddejuvvui son internáhttaskuvlii.

Aslak Syse
Professor Emeritus,
Oslo
Aslak Syse lea juridihkkaprofessor Oslo universitehtas, emeritus 2016 rájes. 1971-1991 lei Syse doavttirin Finnmárkkus, ja lea leamaš váldodoavttirin Psyhkalaš doaimmashehttejuvvon olbmuid dearvvašvuođasuodjalusas. Son lea leamaš Dásseárvo- ja vealahanlávdegotti ja Almmolaš rievtti instituhta jođiheaddjin. 2013 rájes lea son leamaš Norgga miellahttu Eurohpáráđi Commission against Racism and Intolerance nammasaš kommišuvnnas.

Ketil Zachariassen
Vuosttašamanueansa
Romsa
Ketil Zachariassen lea vuosttašamanueansa historjjás ja sus lea erenoamáš ovddasvástádus eamiálbmot- ja minoritehtahistorjái Arkeologiija, historjjá, oskkudiehtaga ja teologiija instituhtas, UiT Norgga árktalaš universitehtas. Zachariassen lea iežas dutkama olis bargan olu iešguđet fáttáiguin mat gusket ođđamállet sámi, kvena ja Davvi-Norgga historjái.

    Poastačujuhus

  • Sannhets- og forsoningskommisjonen
  • Handelshøgskolen
  • Postboks 6050 Langnes
  • 9037 Tromsø