Kommisjovnen lïehtsegh

Åvtesne gårroebealeste: Anne Julie Semb, Pia Lane, Anne Kalstad Mikkelsen, Dagfinn Høybråten, Marit Myrvoll, Liv Inger Somby. Duekesne gårroebealeste: Ketil Zachariassen, Aslak Syse, Ivar Bjørklund, Einar Niemi, Per Oskar Kjølaas, Håkon Hermanstrand. Guvvie: David Jensen/UiT Norges arktiske universitet
Dagfinn Høybråten
Åvtehke Nesodden
Njuenesnjuana

Dagfinn Høybråten lea generaletjaelije Gærhkoen Aarmoghviehkine. Satne lea guhkiem barkeme politihkesne jïh administrasjovnine, dovne stoerredigkielïehtsegine, barkoe- jïh sosijaalministerine, starneministerine, jïh direktööre Rijhke-jielededåarjoemisnie. Ovtetje åvtehke Kristeles Åålmegepartijesne, jïh aaj lea generaletjaelijine orreme Noerhterijhki ministereraeresne.


Ivar Bjørklund
Professovre
Tromssa
Ivar Bjørklund lea professovre kultuvredaajroen Nöörjen arktihke universiteetemuseumisnie. Satne lea sosialantropologe, jïh hov lea miehtjiebarkoem dorjeme Noerhtejillie-Rassjesne jïh aaj Noerhte-Nöörjesne. Sov åejvieaamhtese lea gïehtjedidh paarrebielieh joekehth kultuvrijste, saemiej, daaroej jïh kvænaj luvnie, jïh aaj lea dotkeme læstadianeri guhtsiehtimmie. Daelie lea dotkeminie saemiej johtetje båatsoe jïh gïehtjede guktie lea ekonomijen jïh politihken mietie sjïehtesjeminie nöörjen nasjovnalstaatesne.

Håkon Hermanstrand
Stipendiaate
Gåelvere
Håkon Hermanstrand lea PhD-stipendiaate, åarjelsaemien histovrijem dotkeminie Noerhte Universiteetesne, Levangkesne. Satne lea aerebi barkeme åarjelsaemien histovrijem vååjnesasse buektedh Raarvihkesne, Noerhte-Trööndelagen Jolleskuvlesne, jïh Saemien Sïjtesne.

Per Oskar Kjølaas
Ovtetje Bïspa
Tromssa
Per Oskar Kjølaas lea ovtetje bïspa. Satne lea ovmese joekehth barkoe dorjeme nöörjen gærhkoen åvteste, jïh hearram orreme dovne Guovdageajnosne jïh Káresjohkesne, jïh pråaste Sïjs-Finnmaarhken prostijesne. Aaj lea teologihke konsuleentine orreme noerhtesaemien bïjpelejarkoestimmesne, jïh provsjeekteåvtehkine dan raajan bïspine eelki.

Pia Lane
Professovre
Oslove
Pia Lane lea professovre gelliengïeleldhvoeten-goevtesne, Osloven Universiteetesne. Sov dotkemesuerkie lea gïelepolitihke, gelliengïeleldhvoete, gïelemolseme jïh gïele-jealajehteme noerhtedajvine, jïh joekoen altese maanagåetien voenesne Buodggák/Pykejä.

Anne Kalstad Mikkelsen
Voeresraeriesjæjja
Hábmere
Anne Kalstad Mikkelsen lea Voeresraeriestæjja Árranisnie – julevsáme guovdásj / Julevsaemien goevtesisnie. Dïhte sån guhkiem eadtjohke-laakan barkeme vïhnesjidh jïh soptsestalledh dam mij lea nåake jïh tjeakoes siebredahkesne. Satne lea meatan orreme VGM-evtiedimmie/Nöörjen kultuvreraerien BRUDD-provsjeektesne gusnie ulmie lij dïejveldimmiem eevtjedh tjeakoes jïh saajrohts aamhtesi bïjre. Hov lea aaj lïehtsegem stïvremedåehkesne Jasska/Jearsoes – aktem lissieprovsjeektem mij tseegkin mænngan skaarasaernieh Dïvtasvoeneste byögkeles sjïdtin. Altese Maasteredaltesen suerkie lea kultuvre jïh profesjovne, UiT Nöörjen arktihke Universiteetesne, jïh sov maasteretjaalege lea daaroedehtemen bïjre, jïh guktie lea relasjovnh Bijhtemsaemien daajvine dïjpeme.

Marit Myrvoll
Museumeåvtehke
Evenes
Marit Myrvoll lea museumeåvtehke Várdobáiki Saemien Musumisnie. Satne lea sosialantropologe (PhD) jïh hov lea dotkeme gïehtjedimsvuekieh kultuvresne, identiteeten muhteste, jïh siebredahkejieledem buerkiestidh. Aaj lea gïehtjedamme koltuvremojhtesh, kultuvrehistovrijem jïh dovletji jaahkoem vaarjelidh. Marit lea aerebi maadthskuvlesne barkeme, Saemiedigkesne, Rijhkeantikvarijen åelesne jïh dotkijine barkeme.

Einar Niemi
Ovtetji Professovre
Vadsø
Einar Niemi lea 2013 raajeste ovtetji professovrem UiT Nöörjen arktihke Universiteetesne orreme. Sov ööhpehtimmie Osloven Universiteeteste åådtjeme, jïh lea lektovrine jåerhkeskuvlesne barkeme, fylhkenkonservaatorine Finnmaarhkesne orreme, jïh histovrije-amanueensem, jïh –professovrem UiTesne orreme. Satne lea unnebelåhkoe-politihkem, etnisiteetem, regijovne- jïh dajvehistovrijem, jïh dotkemehistovrijem gïehtjedamme.

Anne Julie Semb
Professovre
Oslove
Anne Julie Semb lea Staatedaajroen professovre, jïh daelie barkeminie institudteåvtehkine Staatedaajroen Institudtesne Osloven Universiteetesne. Anne Julien dotkeme-ïedtjh leah dåeries-moerh staaten jïh dåehkiej gaskems, suvereniteete-heerremh, staateåeliedimmie, båarkereåeliedimmie, jïh daennie sïentesne aaj iemiealmetji- jïh unnebelåhkoe-almetji båarkereåeliedimmie, jïh almetjireaktah.

Liv Inger Somby
Jolleskuvlelektovre
Guovdageajnoe
Liv Inger Somby lea jolleksuvlelektovre jïh ööhpehte journalistigkem, iemiealmetjijournalistigkem jïh saemiengïelem Saemien Jolleskuvlesne/ Sámi allaskuvla, Guovdageajnosne. Liv Ingere lea gellien luhkiejaepien saerniejournalistine, redaktöörine jïh provsjeekteåvtehkine orreme. Dovne Nöörjesne, Sveerjesne, Suemesne jïh Rassjesne barkeme. Satne lea stoerre provsjeektem tjïrrehtamme, gusnie tjöönghkeme vihkeles tjeakoes-soeth båeries saemien nyjsenæjjaj gaskem. Tjijhtje jaepien båeries internaateskovlese seedtesovvi.

Aslak Syse
Ovtetje Professovre
Oslove
Aslak Syse lea juridihken professovre Osloven Universiteetesne, ovtetje professovre 2016 raajeste. Syse lij dååktere Finnmaarhkesne jaepiej 1971-1991 raajan, jïh aaj lea bijjiedååkterem orreme psykihke gaarkehth healsoevaarjelimmesne. Aaj lea åvtehkine orreme mïrrestalleme- jïh dïedtelgimmiemoenehtsisnie. 2013 raajeste lea Nöörjen lïehtsegem orreme Europaraerien Kommisjovnesne Dïedtelgimmien jïh Bïehtedimmien vööste.

Ketil Zachariassen
Voestesamanueense
Tromssa
Ketil Zachariassen lea daaletji histovrijen voestesamanueense, jïh joekoen dïedte dellie iemiealmetji- jïh unnebelåhkoe-almetji histovrijem. Arkeologijen, histovrijen, religijovnedaajroen jïh teologijen Institudtesne, UiT Nöörjen arktihke universiteetesne barkeminie. Zachariassen lea ovmese aamhtesh gïehtjedamme saemiej, kvænaj jïh noerhte-nöörjen histovrijine.

    Årromesijjie

  • Sannhets- og forsoningskommisjonen
  • Handelshøgskolen
  • Postboks 6050 Langnes
  • 9037 Tromsø