Juoge ietjat subttsasav

Jus sidá vierredagov diededit ja persåvnålasj vásádusájt subtsastit vuonarijka oajválattjaj dárojduhttempolitihkas de besa dáv aktijvuodasjiemáv adnet.

Kommisjåvnnå galggá ájnegis ulmutjij persåvnålasj vásádusájt ja subttsasijt bihkusin dahkat váj dilev láhtjá váj ájnegattja gejn li ietjasa vásádusá, bessi ietjasa subttsasav subtsastit, dan vuolen aj gåktu vierredago li vájkkudam jali vilá vájkkudi sijá iellemdilláj.

Besa aj njuolgga válldet aktijvuodav dåjmadagájn epåsta jali telefåvnå baktu jus dárbaha bagádallamav ja viehkev.

Diedo majt vattá sjiemán sjaddá oassen Duohtavuohta- ja såbadimkommisjåvnå vuodomateriálas, ja máhttá aneduvvat rapportajn ja dutkamin. Danen ánodip sujsta gut sjiemáv sáddi jut dasi guorras. Diehtten dahkap soajttá válldep aktijvuodav sujna gut sjiemáv sáddi ságájdahttema diehti.

    Poasstaadræssa

  • Sannhets- og forsoningskommisjonen
  • Handelshøgskolen
  • Postboks 6050 Langnes
  • 9037 Tromsø