Juogat iežat historjjá

Jus háliidat dieđihit vearrivuođaid ja persovnnalaš vásáhusaid Norgga eiseválddiid dáruiduhttinpolitihka geažil, de sáhtát geavahit dán gulahallanskovi.

Kommišuvdna galgá fuolahit ahte persovnnalaš vásáhusat ja historjját bohtet albmosii, dan bokte ahte láhčá diliid dasa ahte ovttaskas olbmot geain leat vásáhusat maid háliidit juogadit, besset muitalit iežaset historjjá. Dása gullet maiddái vearrivuođat maid sii ieža dahje lagas olbmot leat vásihan, ja movt dát vearrivuođat lea váikkuhan dahje ain váikkuhit sin eallindili.

Don sáhtát maiddái váldit oktavuođa čállingottiin njuolga e-poastta dahje telefovnna bokte jus dárbbašat bagadallama ja veahki.

Dieđut mat bohtet ovdan skovis šaddet Duohtavuođa- ja soabahankommišuvnna vuođđomateriála oassin, ja sáhttet geavahuvvot raporttain ja dutkamis. Dan dihte bivdit sáddejeaddji mieđihit dása. Mii fuomášuhttit ahte sáddejeaddji sáhttá bivdojuvvot vástidit jearahallamiid.

    Poastačujuhus

  • Sannhets- og forsoningskommisjonen
  • Handelshøgskolen
  • Postboks 6050 Langnes
  • 9037 Tromsø