Søknadsfrist

Emnetype

Opptakskrav

Emnet kan takast som enkeltemne. Studenter som går bachelor i språk og litteratur eller lektorutdanning trinn 8-13, studieretning nordisk, må ta dette emnet under koden NOR-2043. Emnet kan også takast som enkeltemne av internasjonale studentar (utvekslings-gjestestudentar) som har norsk eller nordisk språk og litteratur som studiefag ved eit utanlandsk universitet.

Søknadskode for enkeltemnestudentar: 9199 - enkeltemne lågare grad (ikkje realfag)

Innhald

Kva lærer du

Etter greidd emne har studentane oppnådd følgjande læringsresultat:

Kunnskapar:

Studentane har:

• kunnskap om kjennemerke ved skriftleg språkføring i ulike former for sosiale medium.
• kunnskap om digital litteratur og kva som skil denne typen litteratur frå andre litterære uttrykksformer.

Ferdigheiter:

Studentane kan:

• forstå korleis språket i sosiale medium liknar og skil seg både frå andre skriftspråklege tekstar og frå munnleg språkbruk.
• vere i stand til å kjenne att og analysere sentrale kjennemerke på språkbruken i ulike typar sosiale medium i lys av allmenne teoriar om språkbruk.
• utvikle tankar omkring pedagogiske utfordringar og moglegheiter knytt til språk i sosiale medium.
• kunne drøfte innhaldsformidlinga i tekstar skrivne for sosiale medium, og peike på bruken av litterære virkemiddel i slike tekstar.  

Undervisnings- og eksamensspråk

Undervisning

Ordinær undervisning blir gjeven i form av tre samlingar over to dagar med 8-10 timar i kvar der det blir føresett aktiv deltaking frå studentane i form av framlegg, diskusjonsinnlegg o.l. I tillegg kjem nettbaserte aktivitetar. 

Kvalitetssikring av emnet: Alle emne vert evaluerte ein gong i løpet ein 3-årsperiode på bachelorgradsnivå. Programstyret avgjer kva studieretning som skal evalueras kvart år, og kva for emne som skal evalueras av studentar og lærar kvart år.  

Eksamen

Arbeidskrav:

For å kunne gå opp til eksamen må studenten i løpet av semesteret ha skrive tre bloggtekstar på mellom 4000 og 10 000 teikn knytt til ulike tematiske delar av kurset nærmare fastsett av den/dei kursansvarlege.

Tekstane kan skrivast individuelt eller i ei gruppe på to eller tre: ein samskriven tekst må vere på minst 5 000 teikn og ikkje meir enn 20 000 teikn. Gruppesamansetjing kan variere frå gong til gong. Tekstane kan skrivast på valfri språkform, anten norsk, engelsk, dansk, svensk eller eit anna språk godkjent av den/dei kursansvarlege.

Tekstane blir evaluerte med godkjent/ikkje godkjent.  

Eksamen består av:

Semesteroppgåve på 10-15 sider som er ei vidareutvikling av ein av dei tre bloggtekstane levert under arbeidskravet. Oppgåva kan skrivast individuelt eller i gruppe på to eller tre. Ei individuell semesteroppgåve skal ha eit omfang på 10-15 sider/4 000-6 000 ord (ekskl. framside, referansar og vedlegg). Ei gruppeoppgåve må ha eit omfang som gjev tilsvarande arbeidsinnsats frå alle deltakarane, men skal ikkje overstige 30 sider. Føremålet med semesteroppgåva skal vere å knyte teoristoffet i kurset til relevante problemstillingar som gjeld språk og tekst i sosiale medium. Kvar student kan få inntil to timar rettleiing på oppgåva.

Eksamensspråket er valfritt mellom norsk (bokmål eller nynorsk), engelsk, svensk og dansk og ev. andre språk i den grad det let seg praktisk gjere å gjennomføre.  

Vurderingsuttrykk:

Emnet vert vurdert med bokstavkarakter A-F, der F er "ikkje greidd".  

Kontinuasjonseksamen:

Ved karakteren F/ikkje greidd til ordinær eksamen har studenten høve til å kontinuere. Ei semesteroppgåve som har fått karakteren F (ikkje greidd), kan leverast inn til ny vurdering i omarbeidd form. Kontinuasjonseksamen vert arrangert så snart som mogleg etter ordinær eksamen og normalt seinast 15. februar for emne som vert gitt i haustsemesteret, og 15. september for emne som vert gitt i vårsemesteret.