UiT får Fulbright-stipendiat frå Harvard

Paul A. Berkman skal undervisa og driva med forsking ved UiT innanfor prosjektet sitt om vitskapsdiplomati og avgjerdstaking for berekraft i havet i Arktis.

Prosjektet til Berkman fokuserer på dei same felles arktiske utfordringane innan berekraftig utvikling og vern av miljøet som Arktisk Råd gjer, står det mellom anna i tildelingsbrevet til Berkman frå det amerikanske utdanning- og kulturdepartementet.

Eksklusivt nettverk

Fulbright-stipendiatar skal skapa forskingssamarbeid, nettverk og partnerskap mellom institusjonar på tvers av landegrensene. Stipendiatar kan både vera innkommande til andre land frå USA, eller kan reisa ut frå andre land til USA.

Stipendiatane vert ein del av eit ganske eksklusivt nettverk av tusenvis av anerkjente forskarar, kor mange er leiarar innan sine felt, står det i tildelingsbrevet.

Fulbright-alumni inkluderer ikkje mindre enn 60 nobelprisvinnarar, 88 Pulitzer Prize-mottakarar, og 39 har hatt posisjonar i regjering. Sidan 1946 har over 400 000 deltakarar frå 160 land fått moglegheita til å forske, utveksla idéer og bidra til å finna løysingar på felles internasjonale utfordringar, ifølgje tildelingsbrevet.

Stipendet vert finansiert av det amerikanske utdanning- og kulturdepartementet, med bidrag frå vertsnasjonar og institusjonar.

Kortnytt fra Fakultet for biovitenskap, fiskeri og økonomi, Fakultet for humaniora, samfunnsvitenskap og lærerutdanning, Institutt for samfunnsvitenskap

Moe, Trude Haugseth trude.h.moe@uit.no Senior kommunikasjonsrådgiver