Riebanguorran

GOS RIEBAN VÁNDDARDA?

Dán kárttas sáhttibehtet dál ieža zoomet ja geahččat gos riebanat leat leamašan maŋemus vahkku.

Maŋemus posišuvdna juohke riebanii čájehuvvo sirkeliin. Go coahkkala riebaniid posišuvnnaid, de bohtet eambbo dieđut juste dan čuoggá birra.

FUOM! Kárta sáhttá ádjánit lástet

LIHKADEAMIT JA HABITÁHTAGEAVAHEAPMI

Dán prošeavttas mii háliidit oahppat eambbo riebana lihkadusaid ja habitáhtageavaheami birra duoddaris. Mii beroštit erenoamážit diehtit leat go dat riebanat mat vánddardit miehtá rittu, seamma go dat mat fitnet njállabiejuid luhtte guhkkelis siseatnamis. GPS-posišuvnnat čájehit dán rádjái ahte riebanat sáhttet vánddardit guhkes gaskkaid Várjjaga váriid gaskka ja gitta riddui. Dát dáhpáhuvvá earenoamážiid dálvet go lea jáhkehahtti ahte gávdno eanet biebmu rittus ja olbmuid lahka go duoddaris. Dán jagáš čivggat sáhttet maiddái vánddardit guhkás vai gávdnet alcceseaset sierra bieju. Riebanat leat eanas šattolaš habitáhtain gos lea olu biebmu ja eallit maid sáhttá bivdit, nugo sieđgarođus, fiervvás, ja barttaid ja olbmuid lahkosis.

GPS-biellu váldá posišuvnna juohke goalmmát diimmu, ja dat sáddejuvvojit midjiide Iridium-satelihta bokte. Muhtumin váldá čeabetbáddi dávjjibut posišuvnnaid dárkileappot geahččat riebana habitáhtageavaheami. Go rieban lea biejus dahje lea čiehkádan, de ii nagot muhtomin GPS-bielllu čatnat oktavuođa satelihtaiguin, de ii leat sáddejuvvon makkárge posišuvdna.

Juste dál lea 1 rieban mas lea čeabetbáddi:

Luoddaivdni kárttas (ovddit siidu)	Čilgehus

Oránša	Murphy, rávjá riegádan 2022, gitta váldojuvvon Goađáščohkas

RIEBANBIVDIT

Lea hui olu bargu ja máksá olu ruđa váldit gitta riebana ja bidjat dasa GPS-biellu. COAT lea dahkan daid investeremiid dan dihte go dat addá dehálaš máhtu dan birra movt rieban váikkuha eará šlájaide – nu go njálaide ja rievssahiidda. Dan dihte mii bivdit din leat hui várrogasat go bivdibehtet dakkár guovlluin gos dat merkejuvvon riebanat vánddardit. Riebaniin leat GPS-biellut mat heaŋgájit gáibbe vuolde, muhto mii ii oidno nu bures dálvenáhki vuostá. Dasa lassin leat riebaniin mearkkat beljiin vai lea álkit oaidnit ahte dat leat mielde prošeavttas.

Govva (bajemusas olgešbeale) čájeha merkema geasseriebanis Filmmas oaidná ahte dálvenáhkkin ja heajos čuovggas sáhttá leat váttis oaidnit merkema. Dađibahábut leat merkejuvvon riebanat bážáhallon dáhpedorpmis.

Jus rieban mas lea čeabetbáddi bážáhallá dáhpedorpmis, de galgá sihke rieban ja čeabetbáddi buktojuvvot SNO:i.

Giitu ovttasbarggu ovddas!

Dá lea Thorsen, rávis rávjárieban, mii orodii Smelroras Várggáin eanas geasi. Geassenáhkis dovdo merken hui bures. Govva: Svein Johannessen

Dá lea Uhcca Biret, nuorra ciiku mii váldojuvvui gitta Svartnesoddenis dán jagi skábmamánu. Čeabetbáddi lei álggos veaháš unohas ja vikkai dan šluvgit eret, muhto nu movt beatnagat, de hárjánit riebanat maid jođánit čeabetbáddái.