Storm ja Tinde filmmat lea "road-movie" mas leat duhppejuvvon dohkkát buot rollain. Muhto dat lea maid dokumentárafilbma mas manus lea ráhkaduvvon vuđolaš researcha vuođul ja mas NINA ja Birasdirektoráhta ovddasteaddjit ledje redakšuvnnas.

Filmma muitalus lea huksejuvvon muhtun hui čielga karaktearaid birra, Storm ja Tinde. Das mii muitalit dán njállabára ráhkisvuođahistorjjáin juoidá dan náli birra, manne lea áitojuvvon ja makkár doaibmabijut leat biddjojuvvon johtui hehtten dihte njálaid nohkamis.

“Storm og Tinde II – kampen for tilværelsen” lea nubbi filbma Storm ja Tinde filmmain 2012 rájes. Dán filmmas mii čuovvut Storm ja Tinde olles jagi duoddaris ja oaidnit makkár hástalusat njálain leat.

Nuppi oasis mii oaidnit goddesáhpána mii lea biebmu olu boraspiriide duoddaris, erenoamážit go lea goddesáhpánjahki. Mii oaidnit maid geatkki mii sáhttá njeaidit ealli mii lea mihá stuorát go ieš. Ja erenoamážit – Storm ja Tinde ja sudno čivggaid ja makkár hástalusaid dat vásihit.