Dálkkádat
Davvi guovllu dálkkádat rievdá jođánit. Soaittát fuomášan ieš ahte arvá dávjjibut dálvet dál go ovdal?
Mii čohkket dieđuid dálkki ja muohttaga birra Várjjagis. Dat máhttu lea midjiide veahkkin einnostit boahtteáiggi dálkkádaga.
Dat boahtá min buorebut ráhkkanahttit gieđahallat daid rievdamiid mat bohtet.
mii čuovvut bakte ala?
Dálki šaddá lieggasit ja eambbo rievddadeaddji, erenoamážit Árktisis. Dat rievdada elliid ja šattuid eallineavttuid.
Mii leat daid maŋemus jagiid ceggen ođđa dálkestašuvnnaid Várjjagii. Dat addet midjiide buriid dieđuid dálkki birra daid guovlluin gos mii dutkat ekovuogádagaid.
Dálkedieđut mat čoggojuvvojit áiggi badjel bohtet maid muitalit midjiide movt dálki rievdá jagis jahkái, ja leat veahkkin midjiide einnostit boahtteáiggi dálkkádaga ja effeavttaid ekovuogádahkii.
Dálkestašuvdna Lavdnjeváris.
Govva: Nigel Yoccoz
Dálki ja dálkkádat
«Dálki lea maid oaččut, dálkkádat lea maid vuorddát» lávejit dadjat.
Dálki rievdá jođánit ja sáhttá rievddadit oanehis gaskkain.
Dálkkádat lea ges definerejuvvon gaskamearálaš dálkin guhkit áigodaga badjel, áinnas 30 jagi.
Meteorologalaš instituhtta atná min dálkestašuvnnaid mihtidemiid sin iežaset stašuvnnaid mihtidemiiguin mat sis leat lagabus meara.
Dat addet sihkkaret dálkedieđáhusa, ja mii oahppat eambbo movt dálki rievddada mearragátti ja Várnjárgga siseatnama gaskkas.
Muohtadilálašvuohta váikkuha dasa man álkit olámuttus biebmu lea šaddoborriide nu go sáhpániidda ja bohccuide.
Buorit muohtadilálašvuođat, luotkku muohtu ja unnán jiekŋa eatnamis, lea buorre ovdamearkka dihte sáhpániidda dálvet.
Dan dihte mii iskat muohtagerddiid, seaŋáža sturrodaga, ja lea go jiekŋa dahje cuoŋu. Dasa lassin mii mihtidit muohttaga temperatuvrra ja čoahkisvuođa.
Muohtaprofiilla roggan Várjjagis.
Man assás muohttaga leat mii mihtidan?
Govva: Anders Voss Thingnes
Dá mii mihtidit muohttaga temperatuvrra
ja čoahkisvuođa.
Govva: Nigel Yoccoz
Goddesáhpán muohttagis.
Govva: Rolf A. Ims
Jus eatnamis lea jiekŋa de sáhttá leat váttis goddesáhpániidda ja eará šaddoborriide gávdnat nohkka borramuša dálvemánuid.
Govva: Jan Erik Knutsen
Muohtaprofiila sáhttá gávnnahit hui čielga gerddiid. Das sáhttá maid oaidnit geainnu maid goddesáhpán
lea roggan hui čiekŋalasas muohttagis.
Govva: Matilde Poirier
DÁLKESTAŠUVNNAT
COAT:s leat 9 dálkestašuvnna Várjjagis. Vuosttažat ceggejuvvojedje 2018:s, ja dat gokčet oktiibuot guovlluid gos ovdal eai leat čoaggán dálkedieđuid.
Ovttas meteorologalaš instituhta dálá dálkestašuvnnaiguin háhkat mii dál dálkedieđuid sihke rittus ja siseatnamis.
Dat dahká midjiide vejolažžan ipmirdit eambbo daid báikkálaš dálkerievddademiid, ja movt dálkkádatrievdan váikkuha dálkái daid iešguđetlágan guovlluin.
Dálkestašuvdna Guorronjunis.
Govva: Bernt Enge Larsen
