Historihkka ja ruhtadeapmi

COAT álggahuvvui Norgga ráđđehusa juolludusain go Framsenteret álggahuvvui 2011:s. Dát juolludus, ovttas ovttasbargoinstitušuvnnaid doarjagiin, ruhtadii plánenbarggu man vuođul COAT dieđalašplána almmuhuvvui 2013:s. Maŋŋel go dieđalašplána almmuhuvvui leat UiT, NP ja Framsenteret addán ruđaid jođihit dálá gozihanráidduid Várnjárggas ja Svalbárddas. Dat leat álggahuvvon ovddit prošeavttain/prográmmain, muhto dál leat váldojuvvon mielde vuođđoráidun COAT:i.

2016 rájes lea Birasdirektoráhtta maiddái addán mearkkašahtti álggahan- ja doaibmaruđaid guovtti COAT gozihanmodulii Várnjárggas. Norgga dutkanráđđi (NFR) lea seammás juolludan prošeaktaruđaid ovddidit analysa- ja dieđihanmodeallaid mat leat vuođđuduvvon COAT bearráigeahččanráidduide.

COAT bođii 2016:s Norgga dutkanráđi (NFR) kártii «Veikart for Nasjonal Forskningsinfrastruktur». Dat luvvii stuora juolludemiid NFR:s ja Romssa dutkanvuođđudusas dasa ahte ásahit instrumeanta- ja logistihkkavuogádagaid COAT:i sihke Svalbárdii ja Várnjárgii, ja maid oktasaš digitála infrastruktuvrra (dahtaportála). Dát huksen COAT-infrastruktuvrras lea maid leamašan álgu dan guovtti teknologiijaovdánahttinprošektii «COAT Tools» ja «Distributed Arctic Observatories (DAO)» maid UiT ja Romssa dutkaanvuođđudus (COAT Tools) ja NFR (DAO) leat ruhtadan. 

Dát infrastruktuvra- ja teknologiijaprošeavttat loahpahuvvojit 2023:s. De boahtá COAT leat gearggus olles doibmii Svalbárddas ja Várnjárggas. Dál bargojuvvo dainna ahte háhkat ruđaid COAT guhkesáiggi doaibmadássái.