KONTUVRA
Várjjagis lea okta fásta bargi kontuvrabáikkiin Čáhcesullos. Dasa lassin barget moadde báikkálaš bargi COAT ovddas diimmuid mielde. Dan báikkálaš bargis lea ovddasvástádus earret eará dutkanlogistihkas, reaidduid divodeamis, dutkanstašuvnnaid čuovvoleamis, muhtun dutkanbargguid čađaheamis ja oktavuođas báikkálaš eiseválddiiguin. Kontuvra lea Čáhcesullo káijas, gos mii láigohit lanjaid Čáhcesullo Hápmanis. Dáppe mii čohkkát kontuvraservodagas Stáhta luonddubearráigeahčuin ja Várnjárgga álbmotmeahci álbmotmeahccehálddašeddjiin.
